Read Phom Naga JOB 19 Bible Online

JOB 19 - Phom Naga bible

JOB 19

¹Hapheikü Jobi jangei e:

²Nüngi meshükpa henüng shah eyei ngei kü shüveihen hatü ngümhenang?

³Shaangpai anpa nüngi ngei kü yaüeilungei eteke; ajükao neveüi nüngi ngei vüshihteke.

⁴Ngei hingmei pungei nyujao, hapa pungpeyü ngei shangkü nyuhen; hapai nüng kü mehe shaiphopa?

⁵Ngei meyü nüng-üng meipüba shei ehahnyüke, hatü ngei ponghahpeyü ngelei mang homei hih shei enyüke.

⁶Hapayü Kahvangi ngei kü dükpü khih shei nyingtuh, hatü büpai ngei khüei tai haenpü khih.

⁷“Ngei kü nejiüi dükteke” shei lenjao üpaiyao ngei kü nejangnyu; jiüpü dükshih shei sheühpü yüjao shahhing neshiü.

⁸Ngei peih-ei nedaiaokhen mü Kahvangi ngelei lem bangtükteke; büpai ngelei lem vangnyak kü jotükteke.

⁹Büpai ngelei dhüm bhühlangteke, hatü ngelei shangjing kübü hon athen yahlangteke.

¹⁰Ngei mangdi thahshi büpai lem peü phikü ngei vütüknyüke. Pü keiha büpai ngelei monglem bhiyei yeemtükpeih.

¹¹Büpai ngei khüei mongshih an, hatü ngeiyü büpalei vepa leihüpeih.

¹²Büpalei veshanthü ngei khüei peiteke, hatü ngei shümhen ngelei ashakshem shinei paümtap veteke.

¹³Büpai ngelei jeihinaüthü ngei toueipü yantükteke, hatü ngelei küphüanaüthü shennyakthüng leitükteke.

¹⁴Ngelei shem am peü yandaikem; ngelei küphüthü peüi ngei betükkem;

¹⁵ngelei shemei ngoihampü yenpathüi ngei betükkem; ngei chongphohampü nelathüi ngeiyü yenpa kei deihnyüke; ngeiyü jom touei yenpa hük kei leidai.

¹⁶Ngei ngelei chongphobü kü nyükjao nejangnyu; ngei büpa kü khümei ejao büpai ngei kü yaakei neveinyu.

¹⁷Ngei heepü ngü kü ngelei shembünyüi jiühitnyüke; ngelei jeihinaüthü ngei kü jiühitnyüke.

¹⁸Hashih naühathüiyao ngei kü naamshah enyüke; mechem ngei eehenshang, jomi ngei kü ne-ienelem shah enyüke.

¹⁹Ngelei mongkhen küphüthüi ngei yakphong; hatü ngei bampüthü peü ngei khüei yaongnyüke.

²⁰Ngei vang kü shuw mon jümshi leidaiteke; mekei ne-epü kü mongdang mon neshemdai-i nyüke.

²¹Ngei kü phahjishih, Oh küphüthü, ngei kü phahjishih; mehenangkü Kahvangi ngei kü lak shihteke.

²²Kahvangi kei mehekei amphongiyao ngei kü changnya? Ngei kü shüveipü netengang je?

²³Oh ngelei shahthü nyangei tuhlangmeyo! Hathü kemei lai kü nyangei tuhlangmeyo!

²⁴hathü shah den shingvaishi yaong hi nyiam kü nyangei tuhlangmeyo!

²⁵Ngei Yangpüba yemmü nyüpeih shei ngei nying, hatü dohpülei hapa kahdokei büpa yükahen,

²⁶hatü ngei hapa büm tuhtü, ngelei shuw mangdaiphei kao, ngei hapa phai kü-üng nyushi ngei ngelei Kahvang eehen;

²⁷Lebüi nevai, shejao ngei, ngelei müki büpa eehen. Ngelei mongei mongyungei deihnyüke.

²⁸“Mekei etü jeni büpa kü shüveihen; mehenangkü shanghah tünglang büpa touei nyüke” shei ammi eteihen aok.

²⁹Shejao ammi yanlu kü nyemhen vongbong; mehenangkü Kahvangi pungpü shennyakthü hanghihünyeih. Kahvangi am hanghihühen shingvaishi yanlu nohen; hahepak kü mon shahphenbü nyüke shei ammi nyinghen.