Read Phom Naga JOB 20 Bible Online

JOB 20 - Phom Naga bible

JOB 20

¹Hapheikü Naamath am Zophari jangei e:

²Nüngi ngelei mong longi tok vaihüpü nangkü ngei jangei ephüshah.

³Nüngi mehe ngei kü naamei etepa, ha ngei dantepih, shejao nüng kü mehe lah-ei ehen ha ngei nyingnyeih.

⁴Kahdoknyü kü hangkuli nyuhinüng mekei nyuei daipa, ha nüngi aivang den kübü nyingei nyüke,

⁵Nemeipü amei mongongmongleyü shohloh-i mon nyunyüke, hatü Kahvang nenyingpü amei mongongü kansho hük shing mon;

⁶Büpa maühepü vangsho thahshi aongjao, hatü büpalei shangjing vangshang thahjao, hatü büpalei shangjing phumshang ngoijao,

⁷büpalei vom daipü shepükei büpa mahdaihen; hatü büpa eepüthüi, “Büpa melei daipa?” shei ehen.

⁸Mechemao nedanghen mü büpayü mangh kei pidaihen; büpayü yanüng manghkhang kei changtükhen.

⁹Büpa eehampüthüi hajük kü büpa ne-eehen, nevaijü jom ching ami sheyü büpa ne-eehen.

¹⁰Büpalei hapeüthüi taopathü leipü phahji yemhen, hatü büpalei laki büpalei mop kemei shuohhen.

¹¹Büpalei nethe hepak wong, büpa mü chemi kahmongei shüdaihen.

¹²Büpalei ju kü mang vüngnyangi nyulangmao, hatü büpai hapa büpalei juei joei tuhjao,

¹³büpai hapa neyaitükhüjao, hatü julei dungshi anghüjao,

¹⁴büpai hahpü nük vom mongei thioki leidaihen; hayü büpalei mongei biütam leü leidaihen.

¹⁵Büpai mophimo lühnyüke, hatü shao bhaitüknyüke; Kahvangi jomei mongeipü bhaitükhünyüke.

¹⁶Büpai biütamei leü lühhen, hatü biüleüi büpa dihühen.

¹⁷Büpai nyahjiü hatü amma yenpü yungyenthü ne-eehen.

¹⁸Büpai nyiueinangei dükpü kü vampü betjük nehah-i nyokei shuohtükhen; büpai lateijompü kübü nanglei nehahhen.

¹⁹Mehenangkü büpai taopa kü shüveiteke, hatü aeiyeileyei tuhphongteke.

²⁰Hingmei büpa hahnempü mechemao hüneshemnyu; büpalei mop mechemao jaoei netuh-aoknyu.

²¹Büpai hahhen meheyao aoei neshiü; büpalei mophimo mechemao sheneimenei nenyuhen.

²²Changeishaei angpü hepak kü shanghah peihen; Taopü nangkü wong kempü büpa kü peihen.

²³Büpai hahhüpü kemei moh-ei hahpheikü, Kahvangi büpa khüei nemei-i mongshihhen, hatü vang keipükei büpa kü hanghi shomhen.

²⁴Büpai nyiam lahhan kü nyemei daijü melangnyiam lahhani peipeilei-i hümhen.

²⁵Büpai hapa lahhan dok lemeipü leühhen, lahhan hak büpalei dhen hatü yiü bhaoei peiyei daihen. Nyempühanpü büpa kü peihen.

²⁶Büpalei mophimo kü vangnyak danei nyüke. Üpaiyao nejakpü awi hathü hahtükhen.

²⁷Vangshothüi büpa pungpü shakei vamhühen; kahdoknyüi büpa khüei yaonghen.

²⁸Kahvang mongshihpü nyih büngi büpalei bükhishem, hatü douhinangthü bhongei shanlanghen.

²⁹Hapayü nemeipü am shing Kahvang leipü hean, hatü Kahvangi büpa kü tempü mükjüp.