Read Phom Naga JOB 27 Bible Online

JOB 27 - Phom Naga bible

JOB 27

¹Jobi nedoh-i eteke:

²“Ngei kü jiüpü nedükpü Kahvang, hatü ngelei laangha shahyaki leihüpü Jeiyong Kahvang, ngei yemmü nyupü thahshi,

³ngei ngüan ngülei aokpü thahshi, hatü Kahvang laangha ngei kü nyupü thahshi,

⁴ngelei jui shahshem ne-ehen, hatü ngelei yeijaangi lawlüpei ne-ehen.

⁵Amphong jiüteke shei ngei mechemao ne-ehen; ngei mangdi thahshi ngei shahhing nevetükhen.

⁶Ngei daülangshemshepü kü wongshongi shounghen, hatü ha yanei nedeishihhen; ngei yemmü nyupü thahshi ngelei mongi ngei nevüshihhen.

⁷Ngelei vepathü nemei-i nyunüngao aok, hatü ngei khüpüthü nedaünelangi nyuhen aok.

⁸Mechem Kahvangi mahtükhenshang, hatü jomei yangnyu yahlanghenshang, nemeipüthü monglemhen melei nyüpa?

⁹Jom kü shanghah peishingkü, jomi nyükpü kü Kahvangi banghen je?

¹⁰Jomi Jeiyong Kahvang kü mongmeihen je? Jomi düngei Kahvang kü nyükhen je?

¹¹Kahvangei nganhilong jung ngei nüng kü nyuhphahen; Jeiyong Kahvangei lemthü ngei nejoshah.

¹²Am peüi laophü nyingi hapa eteke; shejema mehekei ammi ha angsha shah enya?

¹³Hapayü Kahvang leipü nemeipüthülei hean, hatü Jeiyong Kahvang leipü ühingpüthülei mükjüp.

¹⁴Jomei hühihathü meshük shangkü nyulangmao, jom peü yani mahkemhen. Jomei hapeüthü mechemao shümoh meiyei nenyuhen.

¹⁵Yani mahtü aopüthü chami dikemhen, hatü jomei vaümnyüthüi jom didaipü kü mahng nethephen.

¹⁶Jomi honhingin molo bhihhiphang kei yowei tuhlangmao, owhiai yaonglaap keiha thaiyei tuhlangmao,

¹⁷jomi mehe yowei tuh, hayü daülangpüthüi owhen, hatü daülangpüthüi jomei honhingin hanlanghen.

¹⁸Jomi vepü shemü maknyim kei nyüke, hatü nyalingngupai kah yombüi vehahpü tapshaü kei nyüke.

¹⁹Mophimo shangkü jom shinyüke, mechem paojahenshang kemei mahdaitü nyunyüke.

²⁰Nyempühanpai büngi kei jom bhongei shanlangnyüke; hatü vangnyak kü alüngleple-i jom maoei lüdainyüke.

²¹Heong vanglüki jom piyei anlangnyüke; hatü jom nyushing leipü maoei deilangnyüke.

²²Jom ha kübü yangdainüng khejao, phahji neshiüi jomnoei shüktükhen.

²³Hapa vanglüki jom kü lükhen, hatü jomei nyushing leipü noei yaktükhen.”