Read Phom Naga JOB 29 Bible Online

JOB 29 - Phom Naga bible

JOB 29

¹Shao Jobi nedoh-i büpa nang eyei pang:

²Oh Kahvangi ngei yomshi nyupü peihdaipü lenthü, hatü hepakthü kei nyuaoklangmeyü;

³mechem büpalei awdük vangngai-i ngelei shangjing kü khangshi, hatü büpalei vangngai-ingei vangnyak homei kampü;

⁴mechem ngei longi angeideiyei, Kahvang mü mongjem pongei moihiman dangei nyupü nyihthü kei nyulangmeyü;

⁵mechem Jeiyong Kahvang ngei mü, hatü ngelei hapeüthü ngei shonei nyupa;

⁶mechem ngelei lemthü kü amma yenei shapü, hatü yaongvak kübü olive püthüi mainga yenei;

⁷mechem ngei chingnyü penyüsha homei daipüshang, mechem ngei chingthaibangyuw shingei uopüshang,

⁸nethethüi ngei eeyei shinei leidaihamteke, hatü bajeithüi dhüm huei yaonghamteke;

⁹Chinglong chingvangi ju kübü shah nevami laki shümlangtü uohamteke;

¹⁰Longhiongi ngeü nevami jomei yei shapdok kü khatü uohamteke.

¹¹Üami ngei jung dan, jomi ngelei ngaümphei la meishi e, hatü üami ngei ee, jomi ngei kü monghahteke;

¹²mehenangkü taopathüi lenshingkü ngei jom kü sheüh, hatü sheühhen neshiüpü hashihhathü kü ngei jungteke.

¹³Lomoh aühaü kü nyupüthüiyao ngei kü moihiman, hatü ngei vaümnyüthüao mongongpai lokhüteke.

¹⁴Owhiai keiha ngei shahhing owpeih; shahhingü ngelei bhagthuh hatü shangshak vaihampeih.

¹⁵Ngeiyü mükpüngpüthü kü mük, hatü la khopüthü kü la vaihampeih.

¹⁶Neshiünebaongpü am kü ngei pa vaihampeih, hatü yenpa oupa hanghipü kü sheühhampeih.

¹⁷Ngei nemeipüthülei bha bhagtükpeih, hatü jomei bhalei maalangpü aetei leihampeih.

¹⁸Ngei den lushi nyuei shemei dihen shei deihteke.

¹⁹Ngelei tünglang kahmong yung nyushing thahshi shühen, hatü ngelei kaothü kü yanüng nyien nyuhen.

²⁰Ngelei müknyinshekhang ngei mü chengei nyuhen; ngelei lakei lahhan düngei ja kei nyuhen.

²¹Ngei shahnying ejashingkü peüi nenmü mong shuoh-ei bang, hatü danei nyuhampeih.

²²Ngei epheikü jom üpaiyao shah ne-eham, hatü ngelei shah jomei mong kü jaohampeih.

²³Jomi vang keipü danpü keiha ngei danhampeih, hatü ngelei shah yung keiha yinghamteke.

²⁴Jom mong mah-ei nyushingkü ngei nyishouhjü jom mongyanghamteke, hatü ngelei dhe kübü vangngaiyü jom shing douvang nyuteke.

²⁵Ngei jomei lem je hatü jomei ongpa kei uo; ongpai laophülei veshanthü müpükei ngei jom müteke. Mahng theppüthü nyiumeihüpü kei ngei nyuteke.