Read Phom Naga JOB 36 Bible Online

JOB 36 - Phom Naga bible

JOB 36

¹Elihui nedoh-i eteke:

²Maani nenteiaokei dankühümao, hatü ngei huphüshah: Kahvang khümpükei ehen shao longi nyüpeih.

³Ngelei kihikon tailu leipü yah-ei leikahen, hatü ngei Lingbü kü daülangshemshepü shuohhen.

⁴Ngelei shah-ü shahshem nevai; kihikon kü changpüshapeyü nüng mü uoshi nyüke.

⁵Hingmei Kahvangü wong kohpüpa, hatü büpai üpayao netüknyih; büpai nedanaokpü meheyao neshiü.

⁶Büpai nemeipü am yemmü netuhnyih, shejao shangpongpü am kü jiüshangpü düknyeih.

⁷Daülangpüthü toueipü büpalei mük nebiendainyih; büpai jom ongpathü mü ong uoshing kü uohünyeih hatü longei anshihnyeih.

⁸Shejao nyiamvüi shennyakthü kü shashi nyujema, hatü shanghah vüi shenshi nyujema,

⁹jomi mehe dük, ha büpai jom kü enyeih, hatü jom changmeiyei mang thahteke shei enyeih.

¹⁰Büpai venpü kü jomei dhaong apei banghünyeih, hatü mang kübü mong lephen shahkung shuohnyeih.

¹¹Jomi ven danei büpa chongphojema, aopü nyihthü peü dapüshepü kü, hatü mongongmongleshi vangbongthü peihhühen.

¹²Shejao jomi ven nedanjema, jom vepalei yani mahhen, hatü kon neshiüi dihen.

¹³Kahvang nenyingpüthülei mong kü düngei mongshih-ei mon nyunyeih, hanghi ponglangmao jomi sheühpü yüei nephopnyih.

¹⁴Jom thehila hepak kü didainyeih, hatü jomei yangnyu veüpong kü tuhnyüke.

¹⁵Shejao büpai shangpongpüthü shangpongpü kübü yangnyeih, hatü shanghah homei jomei dhaong aphünyeih.

¹⁶Büpai nüng shanghah kübü yangei, shoshippü nevai bhashahpü shingei münyeih, hatü nüngei nükdü kü haüpü hahying kemei cheü mon nyüpeih.

¹⁷Shejao nüng nemeipü nangkü, shahphenpü hanggovih-i chettü nyüke; shahphenpü hatü shahhingi nüng phei thahpü khih.

¹⁸Yawhdoui nüng nelunelemhahhen, hatü mopi nüng yawh-ei lemnyong kü nemühen lituh.

¹⁹Nüngei wong kemei lenpai, nevaijü nüngei mop kempai nüng shanghah kübü yangaokhen je?

²⁰Jatthü mahtükhen hepak, vangnyak ngoikahen te-ongyang.

²¹Mang lem kü nyokei nedaihen lituh; mehenangkü hapai nüng kü shanghah-i dokpeih.

²²Veituh, Kahvangei nganhilong mekei longpa! Büpa keiha nyuhbü üpa nyüpa?

²³Büpa daihen lem üpai büpa kü eshuohpa, nevaijü üpai büpa kü, “Nüng pungteke” shei eaokpa?

²⁴Hangkui kesho mü venei büpa vihhampeih, hanangkü büpalei dou kü vihhen deih-ei dangtuh.

²⁵Hangku peüi ha eeteke; shennyakthüi tailu leipü ha kü veinyüke.

²⁶Hingmei, Kahvangü longpü, hatü jeni büpa nenyingaoknyu; nevaijü büpalei vangbong meshük yemei neaoknyu.

²⁷Mehenangkü büpai yungching kübü yungjük chüpei annyeih, hatü vang leihütü keihünyeih,

²⁸hatü büpai phum kübü vang hangkuli peü kü shomnyeih.

²⁹Büpai phumthü mekei yaüei deishihnya, hatü büpa nyushing leipü vangmuk mekei khunghünya, üpai ha nyingaokhen?

³⁰Büpai büpa shonei klang nyephünyeih, hatü yungching chüpü kü hapai jümhünyeih.

³¹Hapa keiha büpai jatthü kü vanglem lemnyeih, hatü hahying bhashahshi shuohnyüpeih.

³²Büpalei lakmongei klang noshi nyüke, hatü hethen shing kü vang hethühen vang-ay kü shahkung shuohnyüke.

³³Vangmuki yinglükpalei peiküpü baongnyeih; mohoh-i dangkao ha peipü nyingnyeih.