Read Phom Naga JOB 37 Bible Online

JOB 37 - Phom Naga bible

JOB 37

¹Hapai ngelei mong tuknyüke, hatü hapalei shing leipü phauknyüke.

²Kahvangei ngeü kübü vangmuk, hatü büpalei ju kübü vangmuk kü bangtuh.

³Vangsho phang peü lemei büpai ha shomnyeih, hatü kahdoknyü shokhivaung peü lemei klang shomnyüke.

⁴Hapheikü büpa ngüngpü ngeü vamnyeih, hatü büpalei ngeü longpai vangmuk khunghünyüke, hatü büpai klang yepei netuhlangnyu.

⁵Kahvangei ngeüi thamashi vangmuk kei khungnyüke; jeni yaoei neaoki büpai dou longpü düknyeih.

⁶Büpai shü kü, “Kahdokei vütuh” hatü vang kü, “Iijeingaleishi keituh” shei enyeih.

⁷Büpai lingpü hangku peüi büpalei dou nyinghen shingvaishi, büpai hangkulei dou peü dohtüknyeih.

⁸Yemhimakthüi laophülei nyaühut chongei nevaijü jepei leidainyeih.

⁹Hapalei dungnuk leipü alüngleple vamnyeih, hatü lükpü vanglük kübü vüngmakpü peinyeih.

¹⁰Kahvangei ngüi shüdao lingnyüpeih, hatü yungchingao thendainyeih.

¹¹Büpai phumthih kübü klang nyephünyeih, hatü nyaühiphum klang shomnyeih.

¹²Hangku nyupü kahdok peü kü, jom kü Kahvangi kangpü peü dükhen shingvaishi jomi shinei shinei dainyüpeih.

¹³Büpai hangku hanghihühen shingvaishi, nevaijü kahdok kü yung shuohhen, nevaijü bampü huhen shingvaishi hathü shomnyeih.

¹⁴Oh Job, hapa banghümao; Kahvangi dükpü thamapü douthü nentü deihhümao.

¹⁵Mehekei Kahvangi shahkung shuohtü phum kübü klang nyephünya ha nüngi nyingla?

¹⁶Phumthü mekei shangei longteinya, hatü kihikon kü changpüpai thamapü douthü dükpü nüngi nyingnyüla?

¹⁷Pehe vanglüki kahdoknyü nendaijü amphongei ashakviha mekei shaamluki nyuhen?

¹⁸Büpai kei nyiam kei vaanshi nüngi vangshangthü paanei deishih aoküla?

¹⁹Büpa kü mehe ehen ha ham kü eshih; hamei mongkü mehe ehenao leyei nepeikünyu.

²⁰Ngei epeih shei büpa kü eshuohhen hiang? ngei nyemlühtük shei shennyaki enyu hiang?

²¹Vanglük lükei phum jangtükpheikü, vangshangei nyangnyangshi nyupü vanghenyü kü üpaiyao neveiaokpih.

²²Apshaphi leipü müknyinshekhang vamnyüke; Kahvangü nyemshi nganhilong kü peinyüke.

²³Jeiyong Kahvangü jeni yemei nedangaoknyu; ngan hatü shahhing epü kü ahshi longshi; hatü daülangshemshepai büpai shahshem ne-enyih.

²⁴Hanangkü hangkui büpa kü nyemnyeih; üpalei mongkü ngei peü nyingnyeih shei deihnya, büpai henüng kü ieyeilemei nenyu.