Read Phom Naga JOB 4 Bible Online

JOB 4 - Phom Naga bible

JOB 4

¹Hahepak kü Teman am Eliphaz-i eteke:

²Shennyak hüki nüng mü shah eteishah shei ejü nüng mongmanghen hiang? Shejao üpai shah ne-e-i nyuaokhen?

³Deihhümao, nüngi mih kü longi nyuhhampeih, nüngi wong nekohpü am kü sheühhampeih.

⁴Nüngei shah-i huluh shuohpüthü longi kü sheühpeih;

⁵Shejao shaang ha shanghah nüng touei peiyei nyüke, hatü nüngi ha mu nenenaok; hapai nüng kü hongjü nüng nenenaoknyu.

⁶Nüngi Kahvang kü nyempü hayü nüngei monglem, hatü nüng eela neshiüi nyupeyü nüng mong nyangshing nevaipü je?

⁷Shaang deihhümao, daülangpü shennyak üpai hapakei shanghah heüei nyüpa? Nevaijü daülangpüthü mahpü melei nyüpa?

⁸Ngei eepülei, üami mang sheihen han hoknya, hatü mang sheili hainya, hapa-üng vetnyüke.

⁹Kahvangi ngü heepü mü jom mahdainyüke; büpa mongshihpai jom lomohdainyüke.

¹⁰Nemeipüthüyü mailang kei ngüngei vaühen aok, shejao mailangei bha tettükkemteke.

¹¹Mailangao aeipai didaikemnyüke, hatü mailang chehathü peü yandaikemnyüke.

¹²Shaang shah hük joei epü ngei danpeih; ngelei dhaong tüngei nümei epü ngei danpeih.

¹³Shinmangh kü manghkhang deih-ei mük paoei nyushingkü,

¹⁴ngei kü nyemei pei, hatü kheü; hapai ngelei vangao kheühü.

¹⁵Laangha hük ngelei dhe kü peih-ei dai, hatü ngei kü hangmum yaongküteke.

¹⁶Hapa nenmü yaongküteke, shejao hapa meheshang ngei neyepaok. Ngei veishuohjü lemhük kei ee, hatü ngei ngeü hük dan:

¹⁷Kahvang touei dihen shennyak daülangi nyuaokhen je? Hangku hük laophü Lingbü touei daülangi nyuaokhenje?

¹⁸Kahvangi büpalei chongphobü kü dangkao hingnelemjü, hatü büpai vangsho phongshanthü kü dangkao mang yepjü,

¹⁹bhihla shangkü chongnyiam vaitü, thaüpi hahtükhen kahdok kü shem vetü nyupü kü büpai hinglemhen je?

²⁰Shennyak hük dhomi meishi nyupü om kü nenyingi didainyeih.

²¹Jomei ashakshem kübü vüthü laitüknyeih, hatü kihikon neshiüi dinyüpeih.