Read Phom Naga JOB 7 Bible Online

JOB 7 - Phom Naga bible

JOB 7

¹Kahdoknyü kü hangkuli douwong nedüknyu je? nevaijü büpalei nyihthü kahling am nelenyu je?

²Aa hük vangdhüm yempü keiha, nevaijü nanglat shapüthüi nanglat omdanpükei,

³Len longi ngei kong kü nyupeih, hatü ya longi shangpong kü nyuei daipeih.

⁴Mechem ngei shinüng lemhenshang, “Ngei mechem paohenang?” shei enyeih, shejao vangnyak leplükei paümnyeih.

⁵Ngelei bümü laong hatü mashuwi jümlangtü nyüke; ma bhaoei mashü yennyüke.

⁶Ngelei nyihthüyü vidühanlak mao shülangshi peihdainyüke, hatü monglempü neshiüi dohshing ngoidainyüke.

⁷Oh Kahvang, ngelei yangnyu-ü ngü heepü mon shei deih-ei dangtuh; ngelei müki hajük kü mongongpü ne-eehen khih.

⁸Shaang ngei eepü müki hajük kü ngei ne-eehen; nüngi ngei kü veihen, shejao ngei didaitü chongkahen.

⁹Phum nyaei mahdaipü keiha üam mahngchongei yüdainya nyokei neleinyih.

¹⁰Büpai laophülei shemei shao nyokei neleikahen; hatü büpa nyingei nyupüthüao büpa betükhen.

¹¹Hanangkü ngei nenmü nenyupih; ngelei laangha mongmangei ngei ehen, hatü ngelei mongkü shahyaki eelahen.

¹²Ngei kü yomei tuhhen mü ngeiyü yungching nevaijü nyiamnyü je?

¹³Mechem ngelei lüngi ngei kü nyiushem shuohhen, hatü ngelei uoshingi ngei eelapü meiphahen shei deihhen?

¹⁴Shejoong nüngi ngei kü mangh mü nyem shaonyüke, hatü manghkhang kü ngei hanhünyüke,

¹⁵hapai ngei henüng yangnyu jeleimeyü üng kü yüphahtü dihen-üng jehünyüke.

¹⁶Ngei ngelei yangnyu kü jiühitnyeih; ngei yemmü nyupai tengdaiteke. Ngei monha tuhphongtuh, yangnyu nyupü nanglei neshiü.

¹⁷Nüng kü hajük shongnyü vaihen mü, hatü nüngi hajük mong shuohhen mü,

¹⁸nüngi büpa nepjeih dohhen mü, hatü hepak ieyei büpa kü dokei veihen mü hangkuyü meheang?

¹⁹Kansho hük shingao ngei nevei-i nenyuhen je? nevaijü yien lühhen dangkao ngei monha netuhphonghen je?

²⁰Ngei mang thahpai nüng kü mehe dükphopa? Oh hangku Yombü? Mehekei ngeiyü nüngei mükshah pü leihünya? Ngei nüng kü ahshi hanggovih vaiküpü je?

²¹Mehekei nüngi ngei pungpü, hatü ngelei mang netüknya? Mehenangkü shaangü ngei kahmongei shüdaihen; nüngi ngei yemhen, shejao ngei nechongkahen.