Read Phom Naga MENVIH KESHO 106 Bible Online

MENVIH KESHO 106 - Phom Naga bible

MENVIH KESHO 106

¹SHEMBÜPA vihtuh! Oh SHEMBÜPA kü menvih shuohtuh; mehenangkü büpa meipü nyüke; büpa bampü den kü nyunyeih.

²SHEMBÜPAi dou longpüdükpü jung üpai eaokhen? Ha shangshi üpai büpa kü vih-aokhen?

³Üami shahhing dou dük, hatü daülangshemshepü hepak peü kü dük, jom moihiman.

⁴Mechem nüngi nüngei nanglak kü bampü huhen, ngei deih-ei dangtuh, Oh SHEMBÜPA; jom yangshingkü ngei kü sheühhen deihhahte.

⁵Nüngi jelangpü nanglakthü dapüshepü ngei eehütuh; nüngei jat mongongpü kü ngeiyao mongonghütuh; nüngei mükjüp yahpü ami menvih shuohpü kü ngeiyao omhütuh.

⁶Ham hatü hamei bühipathüi mang thahteke, ham pungteke, nemei-i dükteke.

⁷Hamei bühipa Ijiplei nyushi nüngei thamapü douthü deih-ei nedang; nüngi bampü changshi nyupü jomi nedeih; shejao Hakla Yungchingei Jaipüba khüei yaongpeih.

⁸Shejao büpalei thamapü dou nyinghühen shingvaishi büpai büpalei men kü jomyangpeih.

⁹Büpai Hakla Yungching kü loh, hatü ha jepdai; büpai jom kahvan kü kamei müteke.

¹⁰Hanangkü büpai jom vepalei lak kübü yangteke.

¹¹Jomei vepathü yungi lümlang, hükao aoei netuh.

¹²Haphei küang jomi büpalei shahthü kü hinglem; jomi büpa menvih-ei lok.

¹³Shejao lomi jomi büpalei douthü betük; jomi büpalei shahnying danei nenyu.

¹⁴Shejao jomi jahpanei hahnempai maei nyu, hatü jomi Kahvang kü dokteke.

¹⁵Jomi mehe na, büpai ha shuoh, shejao jom kü nyembenüng din shom.

¹⁶Jomi baümtapei Mosa hi Aaron, SHEMBÜPAlei daülangpü chongphobü nyi kü mükhakteke.

¹⁷Kahdok kaei Dathan lühtük, hatü Abiram am shem linlang.

¹⁸Jomei baümtapei aw vam, hatü nemeipüthü awi hahtük.

¹⁹Jomi Horebei mohoh cheha ling, hatü lajei kü khüm.

²⁰Jomi Kahvang müknyinshekhang thüng hahteipü mohohbaongei lajei mü jeiteitük.

²¹Ijiplei dou longpü dükpü Kahvang jomei Yemleipüba,

²²Ham amei kahdokei thamapü dou longpü dükpü, hatü Hakla Yungchingei nyembenüng dou dükpü betük.

²³Hanangkü büpai jom mahtükhen shei e; büpai jelangpü chongphobü Mosa paoh baong kü itei neyaonglang meyü büpalei mongshih nemeihüaokhenmü shepeih.

²⁴Hapheikü jomi mongongpü kahdok tuhphong; mehenangkü jomi Kahvangi lahpü kü hingnelem.

²⁵Jomi ashakshemei nümnümei nyu, hatü SHEMBÜPAlei ngeü nebanghah.

²⁶Hanangkü büpalei lak haongei büpai jahpanei jom dihühen,

²⁷hatü jomei hühihathü jatthü peü touei yantükhen, hatü kahdok peü lemei haitükhen shei lahteke.

²⁸Hapheikü jomi Peorlei Baal kahvang kü khüm, hatü mahng kü jeetükpü hahying hah.

²⁹Jomei doui SHEMBÜPA mongshih vamhü, hatü jom touei cham peiteke.

³⁰Shejao Phinehas yaongei nemeipüthü kü hanghi shuoh, hatü hapa cham dohdai.

³¹Hanangkü denshem peü kü düngei büpa kü daülangpü shei enyüke.

³²Jomi Meribah yungei SHEMBÜPA mongshih vamhü, hatü jom tata kü Mosa shanghah kü nyu.

³³Mehenangkü jomi büpalei laangha shahyaki leihü, hatü büpai deih-ei nevei-i shah longi etük.

³⁴SHEMBÜPAi epü keiha jomi shennyakthü nejütük,

³⁵shejao jomi jatthü mü vukeivengei, jomi dükpü peü dükhen nying.

³⁶Jomi lajeithü chongphoei khüm; hapai jom shing aethitai lei.

³⁷Jomi jomei yiükha yeshangthü shepe kü jakpü moila shuoh;

³⁸Jomi mang neshiüpü jomei yiükha yeshangthülei iy haiyei Kanan amei lajeithü kü moilateke, hatü kahdokü iy-i sheihtük.

³⁹Hapakei jomei doui jom nedaüi lei, hatü jomi dükpü dou kü mükbongjuyung.

⁴⁰Hahepak kü SHEMBÜPAlei mongshih büpalei nanglakthü khüei vam, hatü büpai laophülei mükjüp yaktük.

⁴¹Büpai jom jatthülei lak kü shuohtük, jom kü jiühitpüthü jom shak kü vanglem lemhüteke.

⁴²Jomei vepathüi jom kü shüvei, hatü jomphongü jom phang kü tuh.

⁴³Hepak longi kü büpai jom yang, shejao jomü temtüktü khüei yaong, hatü jomei mang homei maanei leitükpeih.

⁴⁴Shejoongpa jomi nyükpü büpai danei jomei shanghah kü veipeih.

⁴⁵Jomei men kü büpai büpa vangtükpü deih-ei dangpeih, hatü büpai bampü shangshi bampü hupeih.

⁴⁶Jom yepei deipü ami jom kü shinshanghen mü büpai leihüpeih.

⁴⁷Ham yangtuh, Oh SHEMBÜPA, hamei Kahvang, hatü jatthü toueipü ham thailangtuh, shejüang hami nüngei daülangpü men kü menvih shuohhen, hatü nüng kü menvih-ei müknyinshekhanghen.

⁴⁸Nedohneteni SHEMBÜPA, Israel Kahvang moihimantuh. Nanglakthüi, “Amen” shei etuh. SHEMBÜPA men longtuh.