Read Phom Naga MENVIH KESHO 115 Bible Online

MENVIH KESHO 115 - Phom Naga bible

MENVIH KESHO 115

¹Ham kü nevai, Oh SHEMBÜPA, ham kü nevai, shejao nüngi bampü, hatü shahhing epü nüngei men müknyinshekhangtuh.

²Jatthüi, “Ammei Kahvang melei nyüpa?” shei mehekei ehühen.

³Hamei Kahvang vangsholei nyüpeih, büpai mehe na, ha düknyüpeih.

⁴Jomei kahvangü hon hi ngin, shennyakei laki lingpü mon.

⁵Jom kü ju nyüke, shejao shah ne-enyu; mük nyüke, shejao ne-eenyu.

⁶Jom kü dhaong nyüke, shejao nedannyu; shong nyüke, shejao nebünyu.

⁷Jom kü lak nyüke, shejao nedüknyu; la nyüke, shejao nekamnyu; jomei üng kübü ngeü nevamnyu.

⁸Hathü lingpüthüao hathü kei, hatü hathü kü khümpüthü peü jom kei nyüke.

⁹Oh Israel, SHEMBÜPA kü hinglemtuh! Büpayü jomei sheühbü hatü inyüshung.

¹⁰Oh Aaron am phang, SHEMBÜPA kü hinglemtuh! Büpayü jomei sheühbü hatü inyüshung.

¹¹Amphong SHEMBÜPA kü nyempüthü, SHEMBÜPA kü hinglemtuh! Büpayü jomei sheühbü hatü inyüshung.

¹²SHEMBÜPAi ham deihshi nyupeih, büpai ham kü moihimanphahen; büpai Israel am phang moihimanhen.

¹³SHEMBÜPA kü nyempü longpü, maanpü peü kü büpai moihimanhen.

¹⁴SHEMBÜPAi am hatü ammei hapeüthü kü hühihathü shuohhen.

¹⁵Kahdok vangsho lingpü SHEMBÜPAi am kü moihimanhen.

¹⁶Vangshothüyü SHEMBÜPAlei, shejao büpai hangku kü kahdoknyü shuohpeih.

¹⁷Dipü mahngi SHEMBÜPA kü menvih neshuohnyih, nevaijü mahngshalei shüdaipüthüi nüng kü nevihnyih.

¹⁸Shejao hami SHEMBÜPA kü shaang mebü düngei moihimanhen. SHEMBÜPA men longtuh!