Read Phom Naga MENVIH KESHO 132 Bible Online

MENVIH KESHO 132 - Phom Naga bible

MENVIH KESHO 132

¹Oh SHEMBÜPA, David kü bamei büpai ponghahpü peü deih-ei dangtuh.

²Büpai SHEMBÜPA kü lah, hatü wong kohpü Jakob Kahvang kü hapakei vangteke.

³“Ngei ngelei shemei neshühen, nevaijü shinüng lüngei neheihhen;

⁴Ngei ngelei mük kü shihen nehanhen;

⁵ngei SHEMBÜPA shing shing hük, wong kohpü Jakob Kahvang kü nyushing hük mangdang thahshi.”

⁶Hami Ephrathahlei ha danpeih; hami ha Jaar kahthülei dangpeih.

⁷“Jeni büpa nyushingei peishah; jeni büpalei la tüngei khümshah.”

⁸Paotuh, Oh SHEMBÜPA, hatü nüng nyiumei shingei, nüng hatü Vangpüshuwpü Pela paituh.

⁹Nüngei ngongpathüi daülangshemshepü owhütuh, hatü nüng kü hinglempüthü mongongpai lenhütuh.

¹⁰Nüngei chongphobü Davidei men kü nüngi jepü ongpa teyaktükma.

¹¹SHEMBÜPAi David kü lahpü hük shuoh, hatü hapa lahpü kübü büpa nyokei neleilanghen: “Nüngei büm kübü hapeüthü khong kübü hük ngei ong uoshing kü owhühen.

¹²Nüngei hapeüthüi ngelei vangpüshuwpü, hatü ngei jom kü nyuhpü shahkung bangei dükjema, jomei hapeüthüao den kü nüngei ong uoshing kü uohen.”

¹³Mehenangkü SHEMBÜPAi Zion jeteke; büpai hayü büpa nyushing vaihen lümei yahteke.

¹⁴“Hapayü den kü ngei nyiumei shing halei ngei nyuhen; mehenangkü ngei ha lümnyüpeih.

¹⁵Ngei pinnyü kü hahying changshi moihimanhen; ngei haleipü taopathü kü hahying meipai hüshemhühen.

¹⁶Haleipü ngongpathü kü ngei yemleipü ow owhühen, hatü haleipü hinglempüthü mongongpai lenhen.

¹⁷Halei ngei David shing vaung hük vamhühen; ngei jelangpü ongpa shing ngei awdük hük temei nyüpeih.

¹⁸Büpalei vepathü kü ngei mongmang owhühen, shejao büpalei athen kü vangngai nyahühen.”