Read Phom Naga MENVIH KESHO 135 Bible Online

MENVIH KESHO 135 - Phom Naga bible

MENVIH KESHO 135

¹SHEMBÜPA vihtuh! SHEMBÜPAlei men vihtuh; büpa vihtuh, Oh SHEMBÜPA chongphopüthü.

²Amphong SHEMBÜPAlei shemei, jenei Kahvangei shem chingdung chongphopüthü.

³SHEMBÜPA vihtuh; mehenangkü SHEMBÜPAyü meiangpeih; büpalei men kü loktuh; mehenangkü büpayü phahjinyeih.

⁴Mehenangkü SHEMBÜPAi Jakobü laophü shing, hatü Israelü büpalei lompü vaishi jelangteke.

⁵Mehenangkü SHEMBÜPAyü longpü, hatü jenei SHEMBÜPAyü kahvangthü peü shak kü Kahvang.

⁶SHEMBÜPAi mehe mong, büpai ha kahdok, vangsho, hatü yungching ilangmong peü kü düknyeih.

⁷Kahdok jung leipü phum vamhüpeyü büpa hih; büpai vang shing klang lingnyeih, hatü büpai tuhshing leipü vanglük vamhünyeih.

⁸Ijip amei hashong kemei, hangku hatü yemhimak jütükpeyü büpa hih;

⁹Pharaoh hatü büpalei chongphobüthü khüei am touei nyangeihepü, hatü yashanyale shompeyü büpa hih, Oh Ijip.

¹⁰Büpai jatthü hatü wong kohpü ongthü jütükpeih.

¹¹Amor am Sihon ongpa, Bashan am Og ongpa, hatü Kanan ongchingthü peü —

¹²hatü jomei kahdok peü Israel nanglakthü kü mükjüp vaishi shuohtükpeih.

¹³Oh SHEMBÜPA, nüngei men den kü nyunyeih, denshem peü kü nüngü men-e, Oh SHEMBÜPA.

¹⁴Mehenangkü SHEMBÜPAi laophülei nanglak dah shakhühen, hatü laophülei nanglakthü kü phahjihen.

¹⁵Jatthülei lajeithüyü hon hi ngin, shennyakei lakdou mon.

¹⁶Jom kü ju nyüke, shejao shah ne-enyu; jom kü mük nyüke, shejao ne-eenyu;

¹⁷Jom kü dhaong nyüke, shejao nedannyu; hatü jomei ju lemei ngü neheenyu.

¹⁸Üami ha ling, hatü ha kü hinglem, hathü kei nyüke.

¹⁹Oh Israel am phang, SHEMBÜPA vihtuh! Oh Aaron am shem, SHEMBÜPA vihtuh!

²⁰Oh Levi am shem, SHEMBÜPA vihtuh! Amphong SHEMBÜPA kü nyempüthü SHEMBÜPA vihtuh!

²¹SHEMBÜPA kü Zion leipü vihtuh, Jerusalemei nyupüthüi SHEMBÜPA vihtuh.