Read Phom Naga MENVIH KESHO 143 Bible Online

MENVIH KESHO 143 - Phom Naga bible

MENVIH KESHO 143

¹Oh SHEMBÜPA, ngei phoppü bangtuh; nüng shahhing epai banglangshih; nüng daülangshemshepai ngei kü jangshih.

²Nüngei chongphobü shahphenshingei tedei; mehenangkü üpayao nüng touei daülangpü neshiü.

³Vepathüi ngei kü changteke, jomi ngelei yangnyu kahdokei ngümei, shelei didaipü am kei ngei shangmang kü uohünyüke.

⁴Hanangkü mongei ngelei laangha shomeiyingnyüke; ngelei mongei nyemnyüke.

⁵Ngei aivang nyihthü deihnyüke, ngei nüngei douthü peü deihnyeih, ngei nüngei lakdouthü deih-ei dangnyeih.

⁶Ngei nüng kü ngelei lak haongnyeih; kahvan keiha ngelei laanghai nüng yunglenyeih.

⁷Lomi jangshihma, Oh SHEMBÜPA; ngelei laangha mongmahdaiteke. Ngei toueipü nüngei dhe tejodai; hei nevaijema ngeiyü kahshalei shüdaipüthü kei leidaihen khih.

⁸Dhom mü nüngi bampü jung ngei bangshah; mehenangkü ngei nüng kü hinglemnyeih. Ngei daihen lem nyuhshih; mehenangkü nüng kü ngei ngelei laangha phoppü shomnyeih.

⁹Ngelei vepathü kübü ngei yangtuh, Oh SHEMBÜPA; mehenangkü ngei nüng kü loinyeih.

¹⁰Nüngi mongpü dükhen nyuhshih; mehenangkü nüngü ngelei Kahvang. Nüngei laangha meipai ngei lemmei kü mülangtuh.

¹¹Nüngei men kü, Oh SHEMBÜPA, ngelei yangnyu yangtuh. Nüng daülangshemshepai ngei shanghah kübü ngailangtuh.

¹²Nüng bampai ngelei vepathü, hatü ngei kü khüpüthü mahtüktuh; mehenangkü ngei nüngei chongphobü.