Read Phom Naga MENVIH KESHO 17 Bible Online

MENVIH KESHO 17 - Phom Naga bible

MENVIH KESHO 17

¹Oh SHEMBÜPA, shahhing shingvaishi ngei lenpü danlangshih. Ngei phoppü kü dhaong shaangshih hayü lupülempü ju kübü nevaipih.

²Ngei kü dah shakpü nüng leipü mon peihütuh; nüngei müki mehe jiü, ha kü veituh.

³Nüngi ngelei mongdang dokei veijü, nüngi yanüng ngei dokei veijao nüngi mehe tenao nedangpih; ngelei jui mang nethahnyih.

⁴Ngei mih-i kei ten ne-enyih, nüngi epü bangei, ngei depülaopü lem kü nekamnyih.

⁵Ngei nüngei mien dhaümei kamnyeih; ngelei la mechemao nekük.

⁶Ngei nüng kü nyüknyeih, Oh SHEMBÜPA; mehenangkü nüngi ngei kü janghen; ngei kü dhaong shaangshih, ngei phoppü danlangshih.

⁷Nüngi bampü yashanyale longpü hushih, Vepathü kübü nüng kü loipüthü kü nüngei lakdah-i jom yangnyeih.

⁸Nüngei mük kü meipü apple betjük keiha nüngi ngei yomei tuhtuh. Nüngei kaokhiyang dhüm phangkü ngei joei tuhtuh.

⁹Nemeipüthüi ngei shümlangnyüke, vepathüi ngei shinlangteke.

¹⁰Shinshanghen jomei mongdang küplang, jomei ju-i changmei shah enyüke.

¹¹Jomphongü ngei shinei yaongshi nyüke, hatü ngei melemei yaakjahen kahdokei dowei shanshihhen veinyüke.

¹²Jomphongü het aeipü mailang keiha, phenha phangkü lempü mailang kei nyüke.

¹³Peikei, Oh SHEMBÜPA, hathü khüei yaongtuh hatü neüeishuoh! Nüngei yani nemeipüthü leipü ngelei yangnyu yangtuh.

¹⁴Oh SHEMBÜPA, nüngei laki henüng keipü shennyakthü kübü, hapa yangnyu kü mon laklei danghen kahdoknyü shennyakthü kübü nüngi ngei yangtuh. Nüngi jom shing jaoei tuhpü hanghi-i jom hanghihütuh; Jomei hapeüthü shing changei nyeishi; hüpeüthü shingao aoei tuh-eishuoh.

¹⁵Shejao ngei payü daülangshemshepü kü ngei nüngei dhe eehen; ngei mechem paohen, nüng lepü kü eeyei ngei mong hüshemhen.