Read Phom Naga MENVIH KESHO 34 Bible Online

MENVIH KESHO 34 - Phom Naga bible

MENVIH KESHO 34

¹Ngei düngei SHEMBÜPA kü men vihhen; büpa vihpü düngei ngelei ju kü nyuhen.

²Ngelei laanghai SHEMBÜPA kü maühehen; ponghahpüthüi ha danei mongongtuh.

³Oh ngei mü SHEMBÜPA longhüshah; hatü jen chemi büpalei men longhüshah.

⁴Ngei SHEMBÜPA yem, hatü büpai ngei kü jangpeih, hatü ngei nyempü kübü yangpeih.

⁵Büpa kü veipüthü nyanyüpeih, hatü jomei dhe veüpai nejümhünyih.

⁶Taopai nyük, hatü SHEMBÜPAi büpai nyükpü dan; büpai shanghah peü kübü büpa yang.

⁷Büpa kü nyempüthü kü vangsho phongshanthüi shinei yomnyeih, hatü yanglangnyeih.

⁸Jepei veihümao SHEMBÜPAyü meiangpeih; büpa kü loipü shennyakü moihimanpü.

⁹Amphong daülangpüthü, SHEMBÜPA kü nyemtuh; Üami büpa kü nyem, mepaiyao netaonyih.

¹⁰Mailangao wong nekoh-i leinyeih, hatü aeinyeih, shejao üami SHEMBÜPA kü nyemnya, doumei mepaiyao taoei nenyunyih.

¹¹Peikei, Oh hashihthü, ngei epü bangtuh; ngei nüng kü SHEMBÜPA nyemhen nyuhphüshah.

¹²Am üami yangnyu nanya, hatü mei dangei nyih longi mongongshi nyuhen üami lümnya?

¹³Ten ehen kübü nüngei yei ungei tuhtuh, hatü ühing shah ehen kübü nüngei ju yepei tuhtuh.

¹⁴Mang kübü yantuh, mei düktuh; chingmei yemtuh hatü ha changei daituh.

¹⁵SHEMBÜPAlei mük daülangpüthü kü veishi nyüke, hatü jomi lenpü kü büpalei dhaong shaangshi nyüke.

¹⁶Ten dükpüthü khüei SHEMBÜPAlei dhe veishi nyüke, kahdoknyü kü jom deihhen kübü katitükhen.

¹⁷Daülangpüthü mechem sheühpü naei lenhen, büpai ha dannyeih, hatü shanghah peü kübü jom yanglangnyeih.

¹⁸SHEMBÜPAyü mongdang mangpüthü yopailei nyüke, hatü laangha mangpüthü yangnyeih.

¹⁹Daülangpüthü longi ponghahnyeih, shejao SHEMBÜPAi hathü peü kübü jom yanglangnyeih.

²⁰Büpai jomei vangtaothü hükao nemangtüki jungei tuhnyeih.

²¹Mangi nemeipüthü kü dipü koei peinyeih, hatü üami daülangpüthü kü jiühitnya nyonghühen.

²²SHEMBÜPAi laophülei chongphobüthülei yangnyu yangei tuhnyeih; büpa kü loipü üpayao nenyonghühen.