Read Phom Naga MENVIH KESHO 38 Bible Online

MENVIH KESHO 38 - Phom Naga bible

MENVIH KESHO 38

¹Oh SHEMBÜPA, nüng mongshihpai ngei kü telohpha, nevaijü nüng mongpuk vamei ngei kü temangpha.

²Mehenangkü nüngei lahhan ngei kü shüteke, hatü nüngei lak ngei kü shihteke.

³Nüng mongshihpai ngelei hangha meishi neshiü; ngelei mang homei ngelei vang meishi neshiü.

⁴Nethangaokpü hanggovih keiha ngelei mangi ngei kü chetteke.

⁵Ngelei ngahiyoi mang homei ngelei makaw shüei shie bünyüke.

⁶Ngei dhaomü aümei shanyeih; hatü helushoei thepei shinteinyeih.

⁷Ngelei shüng kü nyah-ei thatnyüke; hatü hangha büm shinghükao meishi neshiü.

⁸Ngeiyü wong kemdai, hatü mindaiteke; ngei mongkü tüngpai thepnyeih.

⁹Oh SHEMBÜPA, ngei ongyangpü peü nüng kü nyinghünyeih; ngei mongshangi huipü nüng kü nejonyih.

¹⁰Ngelei mongdang tuknyüke, ngelei wong laaidaiteke; ngelei mük kübü vangngai dangkao lüdaiteke.

¹¹Ngelei shümpa mongjemthü peü ngei ponghahpü eeyei kaüdaikem; hatü chingyowthüao khaatdaikemteke.

¹²Ngei jühen yempüthüi tai haennyüke, ngei kü lak shihhen eteinyüke; ngei lomohhühen eteinyüke; helushoei ngei kü ühinghen shah shownyüke.

¹³Ngei shah nedanaokpü aangba keiha; shah ne-eaokpü shennyak kei nyüpeih.

¹⁴Hingmei, ngeiyü shah nedanaokpü hatü shah neleiaokpü shennyak kei nyüpeih.

¹⁵Ngei nüng omdanyeih, Oh SHEMBÜPA, nüngi jangphahen, Oh SHEMBÜPA, ngelei Kahvang.

¹⁶Ngei doei nyushing kü, “Ngei shak kü hathüi mongte-onghü, hatü techangmeihü” shei ngei phopnyüpeih.

¹⁷Ngei dodaihen mü nyüpeih, hatü ngei kü tüngpü düngei nyüke.

¹⁸Ngei ngelei mang lahnyeih; ngelei mangi ngei ponghahnyeih.

¹⁹Ten meheyao neshiüjü ngelei vepathü longi nyüke; Pungpü neshiüshiüi ngeikü jiühitpüthü longi nyüke.

²⁰Ngei meipü pheikü müpü nangkü ngelei vepathüyü mei kü ten jeiyei shuohteipüthü nyüke.

²¹Ngei tetuhphong, Oh SHEMBÜPA; Oh ngelei Kahvang, nüng ngei toueipü taishi telüdai;

²²Ngei kü sheühhen lomi peikei, Oh SHEMBÜPA, ngei yemleipü.