Read Phom Naga MENVIH KESHO 44 Bible Online

MENVIH KESHO 44 - Phom Naga bible

MENVIH KESHO 44

¹Oh Kahvang, nüngi aivang nyihthü kü obü opa amei hepak kü nüngi dükpü douthü jung jomi ham kü eküpü hamei dhaongi dantepih.

²Nüngei laki jatthü peü changtük, shejao nüngei nanglakthü halei sheiphong; nüngi jatthü hanghi ponghü, shejao nüngei nanglakthü bümei leihü.

³Jomei yani hapa kahdok neüpü nevai, nevaijü jomei laki aokpü nevai, shejao nüngei lakdah-i, hatü nüngei müknyinshekhang vangngai-i aokpeih; mehenangkü nüngi jom kü monghahpeih.

⁴Nüngü ngelei ongpa, ngelei Kahvang; nüngi Jakob aokpü danghühen shahkung shuohnyüke.

⁵Nüng homei hamei vepathü hungei leitüknyeih; nüngei men homei hamei vepathü shouptüknyeih.

⁶Mehenangkü ngelei lahhan kü ngei hingnelem, nevaijü ngelei yani ngei yangphahen neaokhen.

⁷Shejao nüngi hamei vepathü kübü ham yang, hatü ham kü jiühitpüthü veühüteke.

⁸Kahvang kü nedoh-i ham maühenyeih, hatü hami düngei nüngei men vihhen.

⁹Shejao nüngi ham yaktük hatü bhih-eimaantük, hatü nüng hamei veshanthü mü nedaikei.

¹⁰Nüngi ham vepathü toueipü nyaihü, hatü hamei vepathüi hamei douthü shetlangkem.

¹¹Nüngi ham jühen deipü mithü kei leihüpeih, hatü ham jatthü touei haitük.

¹²Nüngi nüngei nanglakthü bhei newongpü douthü keiha yutükpeih.

¹³Nüngi hamei chingyowthüi ham kü yaühen mü leihütükpeih; ham shonei nyupüthüi ham kü ne-ienelemhen mü leitükpeih.

¹⁴Nüngi hamü jatthü touei shahlemlak kü shihhen mü leitük, hatü mih nanglak touei mihnyi pü leitükpeih.

¹⁵Helushoei veüpong ngei mü nyüke, hatü ngelei dhe veüpai jümshi nyüpeih.

¹⁶Ngei kü yaüpülungpüthülei naamshah vepa hatü bhüh yempüthü eeyei ngei veünyeih.

¹⁷Hami nüng nebetükjao, hatü nüngei vangpüshuwpü kü shahshemi nedükjao hathü peü ham kü vampeih.

¹⁸Hamei mong nüng toueipü nelepdai, hatü nüngei lem kübü ham lembien kü nedai.

¹⁹Shejao nüngi ham ngümtük, hatü shuwthü mü tuhphong, hatü shangmang longpai jümphong.

²⁰Hami hamei Kahvangei men betüktü, nevaijü lebü kahvangthü kü hamei lak haongshi phopei nyulangmeyü,

²¹hamei mongdang leipü shahjo nyingpü Kahvangi ha nenyinghen je?

²²Shejao nüng tata kü helushoei ham jütüknyüke; hamü jühen deipü mithü kei nyüke.

²³Paotuh, Oh SHEMBÜPA! Nüng mehekei shinya? Paotuh, nüngi ham den kü teyaktük.

²⁴Mehekei nüngei dhe jolangnya? Mehekei ham ponghahpü hatü shanghahpü betüknya?

²⁵Mehenangkü ham kübhih lüpshi shükshi nyüpeih; hamü kahdokei yakshi nyüpeih.

²⁶Paotuh, ham kü peiyei sheühshih. Nüngi bampü men kü ham angei leituh.