Read Phom Naga MENVIH KESHO 45 Bible Online

MENVIH KESHO 45 - Phom Naga bible

MENVIH KESHO 45

¹Shahmük meipai ngelei mong mateke; ngelei ongpathü kü hathü lailüngthü nyangshingkü ngelei yei-ü lai nyangbü meipülei lainyangshong kei nyuteke.

²Nüngü peü mü nethe meipüba; nüngei ju kü phahji shah maei nyüke. Hanangkü Kahvangi nüng kü den kü moihimanteke.

³Nüngei yanlu laaptuh, Oh wong kohpü ongpa; nethe meipü müknyinshekhang ow owtuh.

⁴Shahhing hatü daülangshemshepü men kü aokpü dangei müknyinshekhang kü daituh; nüngei lakdah-i nyembenüng dou dükhütuh.

⁵Nüngei lahhan deplükpai ongpa khüpü vepathülei mongdang kü hümtuh; jatthüi nüngei la tüngei doei lemhütuh.

⁶Nüngei ong uoshing denden kü nyuhen, Oh Kahvang, shahhing lenshuoh-ü nüngei ongchingei lenshuoh nyuhen.

⁷Nüngi daülangshemshepü kü bamnyüke, hatü mang kü jiühitnyüke. Hanangkü Kahvang, nüngei Kahvangi küphüthü shak kü mongongpü mainga nyioei nüng thiteiphuei jepeih.

⁸Nüngei büm-ow kemei myrrh, aloe, hatü cassia vong meipai bünyüke. Meinyübha yah-ei ow shih-ei lingpü ong uoshing kü vü shihpü hadir vüngei kesho lokpai nüng mongonghünyüke.

⁹Ongthülei yiükhathüyü nüng kü dhüm shuohpü nelathü khong kü nyüke; nüngei lakdah philei onglanyü Ophir hon notü yaongnyüke.

¹⁰Bangtuh, Oh yiükha, nüngei dhaong shaangtuh; Nüngei nanglak hatü ampalei shem betüktuh.

¹¹Nüng nela meipü ongpai lümei deihhen; büpa nüngei shembü vaipü nangkü büpa touei aümei shatuh.

¹²Tyre am nela thintho notü nüng touei peikahen; shemmeithüi nüngi bampü yemei peikahen.

¹³Onglanyüyü ongshemeinela longi meishi nyüke; pinnyülei bhagthuh-ü honi thüngtü nyüke.

¹⁴Owlem longi kohpü ow owtü pinnyü ongpa touei heihkünyüke; pinnyü pheikü pinnyü kü jungpüthü müshi nyüke; jomphongao büpa touei heihnyüke.

¹⁵Jomü mongongpai müei deilangnyüke; jom ongpalei ongshemei shünyüke.

¹⁶Ambü ampalei shing kü nüngei hapeüthüi jeihen, Oh ongpa; nüngi jom kahdok peü lemei ong vaihühen.

¹⁷Ngei nüngei men denshem peü kü eteihühen; hanangkü jatthüi den den kü nüngei men longhen.