Read Phom Naga MENVIH KESHO 48 Bible Online

MENVIH KESHO 48 - Phom Naga bible

MENVIH KESHO 48

¹Longpeyü SHEMBÜPA, hatü jenei Kahvangei chingnyü kü büpa longi vihhen nyüke.

²Kahvangei Kahshang Zionü shaoshi, hatü nethe meishi; hapayü kahdoknyü kempülei mongong. Zaphon shangching shaopü keiha, Longpü Ongpalei Zion chingnyüyü nyüke.

³Kahvangü pinnyülei chingthülei nyüke, büpa laophü nyingi penyüsha kei nyüke.

⁴Mechem ongthü chemi thaitü peihenshang,

⁵jomi ha eehinüng thamaei jom mongshangei nyaidainyüke;

⁶jom nyempai kheünyüke; nyüha hük hapeü anghen tüngpükei nyüke;

⁷heong vanglük peishingkü Tarshish leipü jahas nyupükei nyunyüke.

⁸Hami danei nyuhampeih; hapa keiha Jeiyong SHEMBÜPAlei chingnyü kü, hamei Kahvangei chingnyü kü büpai mehe dük, ha eetepih; büpai chingnyü den kü yangei tuhhen.

⁹Nüngei phopshem mongei, Oh Kahvang, hami nüng bampü jung deihnyeih.

¹⁰Nüng kü vihpü keiha, Oh Kahvang, nüngei men kahdoknyü peü lemei dainyüke. Nüngei lakdahphi daülangshemshepai maei nyüke.

¹¹Nüng shahhing shahphenpü nangkü Zion Kahshang mongonghütuh; Judah jilathü mongmeihütuh.

¹²Zion kü kamei daituh, ha shinei kamtuh; haleipü shangdüthü ietuh.

¹³Kahdok shaokei pe lingtükpü deihhümao; halei penyüshathü kü veihümao; nüngi hathü jung hüshompheinaü kü etuh.

¹⁴Mehenangkü hapa Kahvangü den kü jenei Kahvang; dohpü thahshi büpayü jenei lem mübü vaikahen.