Read Phom Naga MENVIH KESHO 49 Bible Online

MENVIH KESHO 49 - Phom Naga bible

MENVIH KESHO 49

¹Ha bangtuh, am nanglakthü peü, hapa kahdok kü nyupüthü,

²longpü maanpü, shemmei taopa peüi bangtuh:

³Ngelei jui kihikon shah ehen; ngelei mong kübü vampü shah-i danaokpü kon yahphahen.

⁴Ngelei dhaong kandok shah philei meehen; harp vüngei phehen nyupü shahjo kemei nihhen khih.

⁵Ngei shanghahpü nyih kü ngei kü shüveipüthülei mang ngei shinei tuhtü,

⁶laophülei mop kü monglempü, hatü laophüi angpü kü changmeipüthü tuhtü ngei mehekei nyemhen?

⁷Üpaiyao lebü yangnyu hük angei neleiaokpih, nevaijü büpa nangjei Kahvang kü neshuoh-aokpih.

⁸Yangnyu hük angei leihenü bhei wongshi; mechemao ha kü lop changshi shuohtü,

⁹nedi-i yemmü den kü nyuhen neaokpih.

¹⁰Mechem jeni kon kohpüthü kü veihenshang jomao didainyüke; ngapa hatü yoipa nyiyao aihük mü didainyüke, hatü jomei mop mih kü tuhnyeih.

¹¹Jomi kahdok kü jomei men menhahjao den shing jomei mahngchongü jomei shem, hatü hayü den peü kü jomei nyushing.

¹²Shejao shennyaki mop angpai shei neyangaoknyih; büpayao yemhimak keiha didainyeih.

¹³Laophü kü monglemtü nyupüthü, hatü jomi epü shah yahtü jom phei müpüthülei lashüh-ao hapakei nyunyeih.

¹⁴Mi keiha jomphongü mahngchongei nyuhen, hatü dipeyü jomei yombü vaihen. Daülangpüthüi jom shakkü dhom mü vanglem lemhen; jomei ongshem tuhtü jom mahngshalei jiüshangi shüei halei shedaihen.

¹⁵Shejao Kahvangi ngei Sheol leipü yangphahen, büpai ngei büpa touei yahlanghen.

¹⁶Mechem shennyak hük shemmei leihen, hatü büpalei mop dapü eeshingkü nüng tenyem.

¹⁷Mechem jom dihen, jomi meheyao koei nedaihen; jom mü chemi mop mahngshalei neshühen.

¹⁸Jomei yangnyu yangkü jom mongongshi nyujao, hatü jom aokpüthangpü eeyei shennyakthüi jom kü vihjao,

¹⁹jom peü chebü chepa mü mahngshalei shüdaihen; halei ne-yei vangngai ne-eehen.

²⁰Shejao shennyaki mop angpai shei neyangaokpih; büpayao yemhimak keiha didainyeih.