Read Phom Naga MENVIH KESHO 5 Bible Online

MENVIH KESHO 5 - Phom Naga bible

MENVIH KESHO 5

¹Ngelei shahthü kü nüngei dhaong shaangshih, Oh SHEMBÜPA, Ngei ngü yepshi theppü deih-ei dangtuh.

²Ngei sheühpü yüei lenpü bangtuh, ngelei Ongpa, ngelei Kahvang, mehenangkü ngei nüng kü phopnyeih.

³Oh SHEMBÜPA, nüngi nepnüng ngelei ngeü dannyeih, nepnüng ngei napü peü nüng kü yünyeih, hatü ha monglemei dannyeih.

⁴Nüngü mang kü mongongpü Kahvang nevai; nüng mü nemeipüthü nenyuaoknyih.

⁵Changmeipüthü nüng touei neyaongaokhen; nejiüpü dükpüthü peü kü nüngi jiühitnyeih.

⁶Nüngi shahshem epüthü mahtüknyeih; SHEMBÜPAi iy howhüpü hatü lawlüppü kü jiühitnyeih.

⁷Shejao ngei, nüngei bampü longpü homei nüngei shemei shühen; Nüng kü nyemei ngeinüngei daülangpü phopshemei aümei khümhen.

⁸Ngelei vepathü longi nyüke; Oh SHEMBÜPA, nüngei daülangpü lem kü mülangtuh; Ngei touei nüngei lem kangshangi lingshih.

⁹Mehenangkü jomei jubenyeijaang kü shahhing neshiü; Jomei mong keyü tentükhen mon maei nyüke; Jomei shahvang jushayü apshi nyupü mahngchong keiha; Jomi jomei yeijaangi yawhnyüke.

¹⁰Jomi jomei mang nyemkohah, Oh Kahvang; Jomi deihhahpai jom nyemdohah; jomei mang longi nyupü nangkü jom changtüktuh; mehenangkü jomi nüng khüei yaongteke.

¹¹Shejao nüng kü loipüthü peü mongonghütuh; jom mongongpai düngei lokhütuh. Nüng kü bampüthüi mongonghen shangmü nüngi honglangtü jom yangtuh.

¹²Hingmei-üng, Oh SHEMBÜPA, nüngi daülangpüthü moihimannyeih; Inyüshung keiha nüng bampai jom shonei angnyeih.