Read Phom Naga MENVIH KESHO 50 Bible Online

MENVIH KESHO 50 - Phom Naga bible

MENVIH KESHO 50

¹Vanghe aongpü kübü shüpü thahshi, Jeiyong Kahvang, SHEMBÜPAi enyüke, hatü nyüknyüke.

²Den ngoiyei nethe meipü Zion kübü Kahvang vangngai khangnyüke.

³Jenei Kahvang peikünyüke, hatü nenmü nenyunyu; büpa touei laiyeilungei hahhen aw, hatü mangpü yinglükpalei shinei nyüke.

⁴Büpai laophülei nanglak shahphenhen nangkü shangei vangshothü kü, hatü kahdoknyü kü nyüknyüke.

⁵“Jakpü moila homei ngei mü vangteipü ngelei nanglakthü thailangkei!” shei büpai enyüke.

⁶Vangshothüi büpa daülangshemshepü baongnyeih, mehenangkü Kahvang, büpayü shahphenbü.

⁷Bangtuh, Oh ngelei nanglak, hatü ngei ephanüng, Oh Israel, ngei nüng khüei denpü shuohhen. Ngeiyü Kahvang, ammei Kahvang.

⁸Ammei jakpü moila nangkü ngei am kü lohnyu nevai; ammei jakpü moila ngei touei nedoh-i nyüke.

⁹Ngei ammei shem leipü mohohbaong, nevaijü khaok leipü yumthü neyahhen.

¹⁰Mehenangkü phaüyemthü kemei, kahshang haja longi nyupü leipü yemthü peü ngelei.

¹¹Ngei shangouhathü peü nyingei nyüpeih, hatü kahdokei kamteipüthü peü ngelei.

¹²Ngei paoh aeiyei nyujao nüng kü ha ne-ehen, kahdoknyü hatü halei nyupüthü peü ngelei.

¹³Ngei mohohbaongei phai hahnyu je? nevaijü yum iy yingnyu je?

¹⁴Kahvang kü menvih shuohpü jakpü moila shuohtuh, hatü Jaipüba kü nüngi lahtükpü düktuh.

¹⁵Shanghahpü nyih ngei kü nyüktuh; ngei nüng yanghen, hatü nüngi ngei müknyinshekhanghen.

¹⁶Shejao nemeipüthü kü Kahvangi hapakei enyüke: “Ngelei shahkung nüngi iehen, nevaijü ngelei vangpüshuwpü nüngei jui ehen mehe jiüpü nyüpa?

¹⁷Ngei yeanpü shuohpü kü nüngi jiühitnyüke, hatü ngelei shahthü ngaümpheilei yaktükteke.

¹⁸Gühpa eejü nüngi büpa mü dhaonyüke, hatü mükbongjuyungpüthü mü jemnyüke.

¹⁹Nüngei jui ten ehen noteinyüke, hatü nüngei yei ühing shah ehen shuohnyüke.

²⁰Nüngi nedoh-i laophülei jeihinaü khüei enyüke, hatü vom mong hük kübü büpa luhahnyüke.

²¹Nüngi hathü dou dükteke, ngei nenmü nyudaipeih; ngeiyao nüng kei nyüpeih shei deihnyüke. Shejao ngei nüng khüei hokhen, hatü dhe kü nyeanshi thaüvaühen.

²²Ha deihtuh, am Kahvang betükpüthü, hei nevaijema üpaiyao yanghen neshiüi ngei khihmü shaaktükhen.

²³Üpai menvih shuohpü moila shuohnya, ngei kü dhüm hunyüke; hatü ngei Kahvang yemleipü büpa kü huhen shingvaishi büpai lem temhahnyüke.”