Read Phom Naga MENVIH KESHO 55 Bible Online

MENVIH KESHO 55 - Phom Naga bible

MENVIH KESHO 55

¹Ngei phoppü kü bangtuh, Oh Kahvang, ngei yüpü kü nüng tejodai.

²Ngei epü bangtü jangshih; ngei shah deihpai mongshangnyüke.

³Ngelei vepathüi ngei kü nyemshaopai ngei nyemnyeih; nemeipüthüi ngei kü shüveipai ngei ngümtükteke; Jomi ngei kü shanghah koei peinyüke, jomi ngei kü mongshihnyüke, hatü jiühitnyüke.

⁴Ngei longi dhenshang mongtüngnyüke; dihen mü nyempü ngei kü pei.

⁵Nyempü hatü kheüpü ngei kü pei, nyemei jiühitpai ngei mateke.

⁶“Oh ngei kü paoh athuba kü kei yang nyulangmeyü, ngei piyei daiyei nyiumei kü nyudaihah shepeih;

⁷hingmei ngei tailuei daiyei jahpanei nyudaihah shepeih;

⁸mangpü vanglük hatü yinglükpalei kübü ngei shing loishing yemei mokdaihah shepeih” shei ngei eteke.

⁹Oh SHEMBÜPA, jomei ehishei peü nepongpaü-i leitüktuh; mehenangkü ngei chingnyülei iy-aongmasha, dehilao eenyüke.

¹⁰Nyakhingai thüngei bham shinei jomi longteinyüke, hatü halei dehilao hatü shanghah mon vamhünyüke.

¹¹Hapa chingnyülei benpülangpü douthü nyüke; chingyangshong peü kü shüveidoidei, hatü ühingnakai mon nyüke.

¹²Vepa hüki ne-ienelempü vailangmeyü, ngei nenaokhen; ngei khüpü shennyaki ngei khüei yaongpü vailangmeyü ngei jodaihen;

¹³shejao hapayü ngei mü jemteipü, ngelei küphü mongkhen nüng;

¹⁴ngei mü chemi mongjemshi küei jempü, Kahvangei shemei chemi phopnüng daiteihampü nüng khih.

¹⁵Jom kü dipü peihütuh; jom yemmü Sheolei nyemshü; mehenangkü jomei shem hatü mongei ten nyüke.

¹⁶Shejao ngei Kahvang kü nyüknyeih, hatü SHEMBÜPAi ngei yangphahen.

¹⁷Dhom, om hatü nyihnüng ngei thepei lennyeih, hatü büpai ngelei ngeü dannyeih.

¹⁸Vepathü longi khüei ngei vehok hokpü kübü büpai ngei ma neyahhüi yangei leihen.

¹⁹Kahvang, üpa aivang den mebü ong uoshing kü uo, büpai ha danei jom bhih-eimaanhühen; mehenangkü jom neyeiya, hatü Kahvang kü nenyemnyu.

²⁰Ngelei küphü hüki büpalei küphü hük kü lak shihteke, hatü büpai vangtükpü shaitük.

²¹Ju cheü-ü ammacheü mao nyüpüba, shejao mongdangü vehoki maei; shah-ü mainga mao inpüba, shejao yan mon nonyüke.

²²Nüngei hanggovih SHEMBÜPA kü nyanphongtuh, hatü büpai nüng yangei tuhhen; büpai daülangpüthü mechemao nedohüpih.

²³Shejao Oh Kahvang, nüngi hathü kahsha chüpülei hütükhen; iy yenhüpü hatü lupülempüthü jomei yangnyu hükkei shingao nenyupih. Ngei payü nüng kü hinglemnyeih.