Read Phom Naga MENVIH KESHO 57 Bible Online

MENVIH KESHO 57 - Phom Naga bible

MENVIH KESHO 57

¹Ngei kü phahjishih, Oh Kahvang, ngei kü phahjishih; mehenangkü nüng kü ngelei laangha loinyeih; nüngei yangkaok dhüm phangkü ngei loihen, mangpü yinglükpalei mangpeihkem thahshi.

²Ngelei mükhong kemei jiühüpü Kahvang; Jaipüba Kahvang kü ngei lennyeih.

³Büpai vangsho leipü shomei ngei yanghen, ngei kü la-i shouppüthü büpai veühühen. Kahvangi büpa bampü, hatü büpalei shahhing shomnyeih.

⁴Ngeiyü mailang keipü vepathü chi kü lemshi nyüpeih; jomi shennyak jüei shaakei hahnyüke; jomei bhayü phung hatü lahhan kei, jomei yei nahpü yan kei nyüke.

⁵Vangshothü shak kü nüng longei aongtuh, Oh Kahvang; nüngei müknyinshekhang kahdok peü shak kü nyuhütuh.

⁶Jomi ngelei lem kü shang haennyüke, mongshangpai ngei neülangteke, Jomi ngei dailem kü kahsha shonyüke, shejao jom-ang ha kü vüteke.

⁷Ngelei mong nüng kü nyangnyeih, Oh Kahvang, Ngei kesho lokei nüng vihhen.

⁸Paotuh, ngelei Kahvang! Paotuh, Oh harp hatü lyre! Ngei vanghe aonghühen.

⁹Nanglakthü khongkü ngei nüngei men vihhen, Oh SHEMBÜPA. Jatthü khongkü ngei nüng menvih kesho lokhen.

¹⁰Mehenangkü nüngi bampeyü vangshothü kei shaoshi; nüng monglemaokpü vangshang ngoishi nyüke.

¹¹Vangshothü shak kü nüng longei aongtuh, Oh SHEMBÜPA, nüngei müknyinshekhang kahdok peü shak kü nyuhütuh.