Read Phom Naga MENVIH KESHO 59 Bible Online

MENVIH KESHO 59 - Phom Naga bible

MENVIH KESHO 59

¹Ngelei vepathü kübü ngei yangshih, Oh ngelei Kahvang; ngei khüei yaongpüthü kübü ngei yangtuh.

²Douten dükpüthü kübü, hatü shennyak jühen yempüthü kübü ngei yangtuh.

³Ngei jühen jom tapei nyüke. Ngei mehe mang nevaijü tenao neshiüpü kü ngei khüei yaongnyüke, Oh SHEMBÜPA.

⁴Ngei meheyao nejiüpü nedük, shejao jomi ngei kü nemeihen temnyüke. Paotuh, ngei kü sheühshih hatü veishih.

⁵Oh Jeiyong SHEMBÜPA Kahvang, Israel Kahvang, jatthü kü hanghi shuohhen nüng paotuh; nemeipü dükpüthü kü phahji tehu.

⁶Jomi chingnyülei het yemei shi kei vaüei longteitü om mü leinyüke.

⁷Jomi mehe bhainya? Jomei ju leipü yan bhainyüke, hatü jomi, “Ham üami danhen?” shei enyüke.

⁸Shejao nüngi jom kü nyinyüke, Oh SHEMBÜPA; nüngi jatthü peü kü yaünyüke.

⁹Oh ngelei wong, ngei nüng omdannyeih; Oh Kahvang, nüngü ngelei penyüsha.

¹⁰Ngelei Kahvang büpa bampai ngei mü ponghen; ngelei Kahvangi ngelei vepathü kü aokpü dangpü kü veihühen.

¹¹Shejao nüngi hathü tejütük; Oh SHEMBÜPA, hamei inyüshung; hei nevaijema ngelei nanglakthüi betükhen. Nüngei wongi jom haitüktuh, hatü neütüktuh.

¹²Jomei ju kübü mang nangkü, jomei juben kübü shahthü nangkü, jom changmeipai jom yephütuh; mehenangkü jomi thaüvaü hatü shahshem enyüke.

¹³Mongshihpai jom mahtüktuh; jom neshiüi manglei thahshi jom mahtüktuh. Shejüang Kahvangi Jakob am shak kü vanglem lemnyüke shei kahdoknyüdohpü thahshi nyinghen.

¹⁴Jomi chingnyülei het yemei shi kei longteitü om mü leinyüke.

¹⁵Jomi shi keiha het yemei longteinyüke, hatü nemohjü vaünyüke.

¹⁶Shejao nüngei wong jung ngei kesho lokhen. Nepnüng ngei nüng bampü jung lokhen. Mehenangkü nüngü ngelei penyüsha, hatü ngei shanghahpü nyih ngei loishing nyupeih.

¹⁷Oh ngelei wong, ngei nüng menvihpü lokhen; nüng mon ngelei penyüsha, Oh Kahvang, ngei kü bampü hupü Kahvang.