Read Phom Naga MENVIH KESHO 60 Bible Online

MENVIH KESHO 60 - Phom Naga bible

MENVIH KESHO 60

¹Oh Kahvang, nüngi ham yaktük, hatü ham neütükteke; nüngi ham kü mongshih; shaang ham lemei lepei leikei.

²Nüngi kahdok jenhüteke; nüngi ha bhaoei katük; ha bhaodaipü meitüktuh; mehenangkü ha jennyüke.

³Nüngi nüngei nanglakthü longi hanghihü; ham tüngtüngmüngi longteihen mü nüngi ham kü yiü ying.

⁴Shejao nüng kü nyempüthü shingvaishi lahhani kappü khüei khüamlung haongteke.

⁵Nüngei lakdah-i ham aokpü danghütuh, hatü ham kü jangshih. Shejüang nüngi bampü am yangaokhen.

⁶Kahvangi büpalei daülangpü shing leipü eteke: “Mongongpai ngei Shekhem hantükhen, hatü Sukkoth Kahji ngelei nanglakthü kü hanei shuohtükhen.

⁷Gileadü ngelei; Manasseh-ao ngelei; Ephraimü ngelei athen, Judahyü ngelei lenshuoh.

⁸Moabü ngelei la paüshing, Edom kü ngelei lathuh hukei shükhen; Philistia shak kü ngei aokpü dangei lenhen.

⁹Üpai ngei penyü showtükpü chingnyülei müei daihen? Üpai ngei Edomei müei daihen?

¹⁰Nüngi ham yaktükei neshiüpa yo, Oh Kahvang? Nüngi hamei vepathü mü nedainyih, Oh Kahvang.

¹¹Oh vepathü khüei ham kü sheühshih; mehenangkü hangku-i sheühpeyü yahlak neshiü.

¹²Kahvang mü ham aokpü danghen, hatü büpai hamei vepathü shouptükhen.”