Read Phom Naga MENVIH KESHO 62 Bible Online

MENVIH KESHO 62 - Phom Naga bible

MENVIH KESHO 62

¹Kahvang kü ngelei laanghai nenmü omdannyeih; büpa leipü mon yemleipü peinyeih.

²Büpa monha ngelei yaongnyü; ngei yemleipü ngelei penyüsha; ngei nejenlenhen.

³Amphongi meshük lushi shennyak hük kü nemei-i dükhen? Büpayü laamdaipü pe keiha wong neshiüi nyüke.

⁴Jomei küpjan kempeyü shongnyü shennyakthü vütükhen temnyüke. Jomü shahshem kü mongongnyüke; ju-i mon vih-ei enyüke, shejao mongeiyü thaüvaünyüke.

⁵Kahvang kü mon ngelei laanghai nenmü omdannyeih; ngei monglemhenü büpa leipü mon dangnyeih.

⁶Büpa monha ngelei yaongnyü, hatü ngei yemleipü, ngelei penyüsha, ngei nejenlenhen.

⁷Ngei yemleipü hatü ngelei dhümü Kahvang kü mon kohshi nyüpeih; büpa ngelei yaongnyü, ngei loishing.

⁸Hepak peü kü büpa kü hinglemtuh, Oh nanglakthü; ammei mongdang büpa kü ngaiyei shuohtuh; mehenangkü Kahvangü jen loishing.

⁹Maanpü shennyakthüyü ngü kei mon, longpüthüyü shahshem mon; dok kü dokjü jom peü kong; jom peü ngü kei mon nyüke.

¹⁰Aetpüshepü kü hingtelem; angsha kü gühhen kü mongtelem; mop nyeinya dashingkü nüngei mong hathü kü tenyang.

¹¹Kahvangi chem ha eteke; ngei ha nyipa dantepih. “Nganhiwongü Kahvangei,

¹²hatü bampeyü nüngei, Oh SHEMBÜPA. Mehenangkü laophülei dou aimü nüngi peü kü shemnyeih.”