Read Phom Naga MENVIH KESHO 65 Bible Online

MENVIH KESHO 65 - Phom Naga bible

MENVIH KESHO 65

¹Vihpülüpeyü nüngei, Oh Zionlei nyupü Kahvang; hatü nüng kü vangtükpü dükhen.

²Oh phoppü kü jangpeyü nüng, nüng touei nanglak peü peikahen.

³Mechem mang douthüi ham neülanghen, nüngi hamei mang tükshihma.

⁴Nüngei shemei nyuhen nüngi jetü müei peipüthü mongong. Nüngei shem meipai ham hüshemei nyuhen.

⁵Nüngi ham kü nüngei daülangpü nyempühanpü doui jangpeih, Oh ham yemleipü Kahvang. Nüngü kahdoknyü dohpü hatü taipü yungching thahshi monglemaokpüba.

⁶Nüngei wongi kahshangthü chongnyiam lingei tuh; nüngü wongi maei nyüke.

⁷Nüngi yungching ngüngpü, yungmok ngeü hatü jatthü moppücheüpü dohtükhü.

⁸Nüngi dükpü longpü douthü kü kahdoknyü peü nyemei yaongnyüke; nüngi dhom hi om vamhünyeih, hatü mongongpai lennyüke.

⁹Nüngi kahdoknyü thümnyeih, ha kü yung shuohnyüke, hatü ha shemmei leihünyüke. Kahvangei yungyenthü yungi maei nyüke, hapai hangku kü hahying vamhünyüke; hapakei nüngi temei tuhpeih.

¹⁰Nüngi han hoktükpü kahdok kü yung changshi shomnyeih, hatü kahdok pha jiühünyeih; yungi hathü inhütü sheili longhünyüke.

¹¹Vangbong kü nüngei moihimani mahünyüke; ammei khari-i hapa maei aühshi konyüke.

¹²Jahpan kü phenha longi vamnyüke, shangtaothü mongongpai manyüke.

¹³Koshoya kemei kü mithü manyüke, kahjithü kü hahyingi manyüke, jom mongongpai chemi lenei loknyüke.