Read Phom Naga MENVIH KESHO 66 Bible Online

MENVIH KESHO 66 - Phom Naga bible

MENVIH KESHO 66

¹Kahdoknyü peüi Kahvang kü mongongpü ngeü antuh;

²büpalei men müknyinshekhangpü jungloktuh.

³Kahvang kü, “Nüngei men mekei thamapüang!” shei etuh. Nüngei ngan longpai nüngei vepathü nüng kü khümnyüke.

⁴Kahdoknyü peüi nüng kü khümnyüke; jomi nüng menvihpü loknyüke; nüngei menvihpü loknyüke.

⁵Kahvangi mehe dük ha kü peiyei veituh: Büpalei douthü hangku touei nyemshi thamashi nyüke.

⁶Büpai yungchingao kahvan leitükpeih; jomi yungching homei la mü daipeih. Peikei, jeni büpa mü mongongshah.

⁷Büpai düngei büpalei ngani vanglem lemnyüpeih; büpalei müki jatthü kü veinyeih khüpüthüi büpa homei teyaonghü.

⁸Jenei Kahvang vihtuh, Oh nanglakthü; büpa kü vihpü ngeü danhütuh;

⁹büpai jen yemmü nyupüthü mü tuhteke, hatü jenei la nekükhü.

¹⁰Nüngi, Oh Kahvang, ham dokteke; ngin jakei daühüpükei nüngi ham dokteke.

¹¹Nüngi ham khoklatei müei dei, hatü ham kü hanggovih kohhü;

¹²nüngi hamei shangjing kü shennyakthüi shouphü; ham aw hatü yung homei dai, shejao nüngi ham shingmeiphangmapülei müteke.

¹³Ngei nüngei phopshemei jakpü moila koei peihen; nüng kü lahtükpü ngei dükhen.

¹⁴Hathüyü ngei shanghah kü nyushi ngelei jubenyeijaangi etük hatü lahtük.

¹⁵Ngei nüng kü nitshüpü yemhimak moila shuohhen, hatü mi baongha jakei moilahen. Ngei nüng kü mohohbaong, hatü yumthü moila shuohhen.

¹⁶Am Kahvang kü nyempüthü, peiyei bangtuh, hatü Kahvangi ngei kü mehe dük, ha ngei ephüshah.

¹⁷Ngei büpa kü lenei nyük, hatü büpa menvihpü ngelei yei kü nyu.

¹⁸Ngelei mongi mang lümjema, SHEMBÜPAi ngei epü nedanlangphahen.

¹⁹Shejao hingmei Kahvangi danteke; büpai ngei phopei epü shahthü danteke.

²⁰Kahvang kü men vihtuh; mehenangkü büpai ngei phoppü neyaktük, nevaijü büpa bampü ngei toueipü neyahlang.