Read Phom Naga MENVIH KESHO 73 Bible Online

MENVIH KESHO 73 - Phom Naga bible

MENVIH KESHO 73

¹Hingmei Kahvangü Israel am, hatü mongdang daülangpüthü kü meinyüpeih.

²Shejao ngeiyü huluh shuohhen mü, hatü laphen kükhen mü nyupeih.

³Mehenangkü ngei changmeipüthü lümei deihpeih; nemeipüthüang meishi nyunyu khih shei veihahpeih.

⁴Mehenangkü jom-ang netüngne-ai, jomei büm meishi wong kohshi nyunyüke.

⁵Mih shanghahpükei jom neshanghahnyu, mih tüngpükei jom netüngnyu.

⁶Hanangkü changmeipeyü jomei chühiyük, hatü dehilao-ü owhiai kei ownyüke.

⁷Jomei mongdang leipü ten bhuei vamnyüke; hatü küpjan nemeipü tempai jomei sholi nekongi nyunyüke.

⁸Jomi mih kü nyinyüke, hatü douten jung enyüke; jomi mih kü shüveihen küpjan temnyüke.

⁹Jomi vangsho Kahvang khüei enyüke, hatü kahdoknyü shennyakthü kü ngeükhüam shuohnyüke.

¹⁰Hanangkü nanglakthüi nyokei jom kü vihnyüke; hatü jomi pungteke shei neyah-aoknyu.

¹¹Jomi, “Kahvangi mekei nyingaokhen? Jaipüpa kü ha nyinghen kon nyüpü je?” shei enyüke.

¹²Nemeipüthüyü hapa keipü hih. Jom changshi nyüke shejao nyeinya yemnyüke.

¹³“Angsha kü ngei daülangi nyuhampü khih; hatü mang nethah-i nyuhampü khih.

¹⁴Helushoei ngei ponghah-ei nyupeih, hatü nepjeih ngei hanghipeih.

¹⁵Ngei henüng shahthü paoh etüklangmeyü ngei am shennyakthü khongkü ngei hingshangpü nevaihah shepeih.

¹⁶Shejao ha mekei nyingei aokhen shei ngei deihshingkü, ngei shingvaishi hayü nyiuhinang dou leidaitü chongküpeih.”

¹⁷Ngei Kahvang phopshemei daiphei küang nemeipüthü mekei dohhen ha nyingpeih.

¹⁸Hingmei nüngi jom lemnye kü tuhphongpü khih, hatü mahhen dohünyüke.

¹⁹Kansho hük mongkü jom mekei mahdainya; nyempai jom chemjalak kü maolangnya!

²⁰Jomü paojapü mangh leidaitü nyupükei nyüke; paoei mangh mü eepü peü mahtüknyeih.

²¹Mechem ngelei laangha shahyaki deihpa, hatü mongkü ketei deihpa,

²²ngeiyü ngapa hatü nenyingpü am kei, hatü nüng touei yemtenmakshai kei nyupeih.

²³Hapakei vaijao ngei düngei nüng mü nyüpeih; nüngi ngelei lakdah phikü shongnyeih.

²⁴Nüngi nyuhpüvenpai ngei kü lem münyeih, hatü dohpülei nüngi ngei dhüm kohshi yahhen.

²⁵Nüng mü lenei ngei üpa angpa? Nüng mü lenpü ngeilümpü hapa kahdok kü meheyao neshiü.

²⁶Ngelei büm hatü ngelei mongdang wong nekoh-i leidaihen aok, shejao Kahvangü ngelei wong, ngei düngei napeyü büpa mon.

²⁷Nüng mebü yanei nyupüthü peü mahhen; nüng kü shahshem epüthü nüngi dohtükhen.

²⁸Shejao ngei shingvaishiyü Kahvang yopailei nyupü-üng meipeih; Nüngei douthü peü ehen nangkü ngei SHEMBÜPA Kahvangü ngelei loishing vaihüpeih.