Read Phom Naga MENVIH KESHO 77 Bible Online

MENVIH KESHO 77 - Phom Naga bible

MENVIH KESHO 77

¹Ngei Kahvang kü wongmülennyeih, Wongmü lennyeih hatü büpai dannyeih.

²Ngei shanghahpü nyih SHEMBÜPA yemnyeih; Nenyiupükei yanüng ngei ngelei lak haongnyeih; ngelei laanghai nyiushem nemeipih shei enyüke.

³Ngei Kahvang deihjü thepdainyüke; Ngei phoppai ngelei laangha shomeiyingei shadainyüke.

⁴Nüngi ngelei mük nengühhünyu; Ngei shah ne-eaoki longi shanghahnyeih.

⁵Ngei peihdaipü nyihthü deihnyeih, hatü lüdaipü bongthü lenyeih.

⁶Yanüng ngei ngelei mongdang mü eteinyeih, hatü ngei phopei ngelei laangha yemnyeih.

⁷SHEMBÜPAi ngei den kü yaktükhen je? hatü hajük kü büpai nephahjihen je?

⁸Büpa bampü denshing dohdaipü je? Büpai lahpüthü hepakpeü shingvaishi dohdaipü je?

⁹Kahvangi phahjihen betükpü je? Büpa mongshihpai büpa bampü küptükpü je?

¹⁰“Ngei kü shanghah kü deihpü hükü, Kahvangü wong neshiüi leidaiteke” shei ngei eteke.

¹¹SHEMBÜPAlei douthü ngei deih-ei danghen; Peihdaipü hepak kü nüngi dükpü thamapü douthü deih-ei danghen.

¹²Nüngi dükpü douthü peü ngei deih-ei danghen; nüngi thamapü dükpü peü ngei deih-ei danghen.

¹³Nüngei lemü daülangi, Oh Kahvang, jenei Kahvang kei mepa kahvang nyüpa?

¹⁴Nüngü yashanpü dou dükpü Kahvang; jatthü kü nüngi nüngei wong huteke.

¹⁵Nüng laklu wong longpai laophülei nanglak Jakob, hatü Joseph nyilei hühihathü angei leiteke.

¹⁶Mechem yungi nüng eepa, Oh Kahvang, jomi nyemteke, mechem ilangmongi nüng eepa, kheüteke.

¹⁷Phumi vang keihünyeih, phumshangi vangmuk khunghünyeih; hatü shing peü philei klang nyephünyeih.

¹⁸Vangmuk khungei vampeyü alüngleple kü nyuteke; Klang nyeppai kahdoknyü vangngaihünyeih. Kahdoknyü kheünyeih hatü hannyeih.

¹⁹Nüngei lemü yungching homei, nüngei lemnyü yung homei nyüke; shejao nüngei lameen ne-eenyu.

²⁰Mosa hi Aaron nyi homei nüngi nanglakthü mi keiha mülangpeih.