Read Phom Naga MENVIH KESHO 80 Bible Online

MENVIH KESHO 80 - Phom Naga bible

MENVIH KESHO 80

¹Hami epü banglangshih, Oh Israel Mi Yombü, mi khong keiha Joseph müpüba! Cherubim ong uoshing kü uopü nüngi;

²Ephraim, Benjamin hatü Manasseh am touei nüng nyatuh. Nüngi wong ngaitü ham yanghen peikei!

³Ham müei leituh, Oh Kahvang; ham yanghen shingvaishi nüngei dhe khangshih.

⁴Oh SHEMBÜPA, Jeiyong Kahvang, nüngei nanglakthüi phoppü kü nüng meshük mongshihhen?

⁵Nüngi jom kü mükphi-i aan leitü ühteke; hatü yinghen shingvaishi mükphi maei dokei shuohteke.

⁶Nüngi ham kü hamei chingyowthüi ne-ienelemhen mü leihü; ham kü vepathüi nyinyüke.

⁷Ham müei leituh, Oh Jeiyong Kahvang; ham yanghen shingvaishi nüngei dhe khangshih.

⁸Nüngi Ijip leipü nyalingngupai yah-ei an; nüngi jatthü changtüktü ha sheiphong.

⁹Nüngi ha shing kahdok daütük, ha tünglang yiüei kahdok mateke.

¹⁰Kahshangthüyü hapalei püdhümi dhümlangteke, wong kohpü cedar püthü hapalei kaothüi jümlangteke.

¹¹Hapalei kaohilak yungching lemei phaakei heih, hatü hapalei tünglang yungyen lemei banei yiü.

¹²Peihpü leipü ami haleipü betjük vaümlanghen mü mehekei nüngi hapa bhamthü mangtükpa?

¹³Meilathüi ha kü shouptüknyüke, hatü phaüyemthü peüi ha hahnyüke.

¹⁴Ham philei lepkei, Oh Jeiyong Kahvang, Vangsho leipü ham kü veiyei shanshih! Hapa nyalingngupai kah kü veituh;

¹⁵hapayü nüngei laki sheipü nyalingngupai.

¹⁶Jomi ha kü aw haptük, jomi ha agtükkem; nüngi lohpü kü jom mahdaihen.

¹⁷Nüngei lakdah philei nyupü, hatü nüng shingvaishi longhahpü shennyak ha kü nüngei laki dükshi angtuh.

¹⁸Shejüang ham nüng toueipü nelüdaihen; ham jatonghütuh hatü hami nüngei men kü nyükhen.

¹⁹Ham müei leituh, Oh SHEMBÜPA Jeiyong Kahvang; ham yanghen shingvaishi nüngei dhe ham kü khangshih.