Read Phom Naga MENVIH KESHO 81 Bible Online

MENVIH KESHO 81 - Phom Naga bible

MENVIH KESHO 81

¹Kahvang jenei wong kü mongongpai kesho loktuh; Jakob Kahvang kü mongongpai lentuh.

²Kesho pangtuh, tambourin vüngtuh, harp hatü lyre vüngei ünghinyah meipai kesho loktuh.

³Lenja kü amit vüngtuh, sheepa kü ammei mo nyih vüngtuh.

⁴Hapayü Israel am shing shahkung, hatü hayü Jakob Kahvangei vanglem.

⁵Büpai Ijip hahnüng daishingkü büpai Joseph kü hayü shahkung kei shuohpeih. Ngei nenyingpü shah hük ngei danpeih:

⁶“Ngei nüngei bhagchong leipü pang ngühlangpeih, ngei nüngei hanggovih yahlangpeih.

⁷Shanghah shingkü nüngi nyük, hatü ngei nüng yangpeih. Ngei vangmuk joshing kübü nüng kü jangpeih; ngei Meribah yungei nüng kü dokpeih.

⁸Ngei shahvüng shuohshingkü bangtuh, Oh ngelei nanglakthü; Oh Israel ammi ngei epü bangtuh!

⁹Am touei lebü kahvang ne-anghen vongbong; ammi mih-ei kahvang kü tekhüm.

¹⁰Ngeiyü SHEMBÜPA, am Ijip leipü müei leipü Kahvang. Ammei ju katuh hatü ngei ha kü maei shihphahen.

¹¹Shejao ngelei nanglaki ngelei ngeü nedan, Israel ami ngelei shah nebang.

¹²Hanangkü ngei jom kü jomi mongpü dükhen vaanpü mongdang shuohpeih.

¹³Oh ngelei nanglakthüi ngelei shah danlangmeyü, Israel ami ngelei lemthü kü kamlangmeyü

¹⁴ngei lomi jomei vepathü neütükhen, hatü ngelei lak vepathü khüei hokhen.

¹⁵SHEMBÜPA kü jiühitpüthü büpa kü aümei khümhen, hatü jom den kü mahdaihen.

¹⁶Ngei peü mü meipü wheat nük, hatü yaong leipü nyahjiü yah-ei am hüshemhühen.”