Read Phom Naga MENVIH KESHO 83 Bible Online

MENVIH KESHO 83 - Phom Naga bible

MENVIH KESHO 83

¹Oh Kahvang, nüng nenmütenyudai; nüngi shah ne-e-i tenyudai, Oh Kahvang!

²Shaang nüngei vepathü dokteiyei vamnyüke; nüng kü jiühitpüthü khüei yaongnyüke,

³Jomi nüngei nanglakthü khüei joei küpjanthü lingnyüke; nüngi yangpüthü khüeijom chemi phaüshah shownyüke.

⁴Kei, jeni Israel amei men deih-ei nedanghen shangmü jom jat thittükshah shei jomi eteinyüke.

⁵Jomi mong hük mü shah shownyüke; nüng khüei jomi vangpüshuwpü lingnyüke.

⁶Edom hatü Ishmael nanglakthü, Moab hatü Hagar nanglakthü,

⁷Gebal, Ammon hatü Amalek, Philistia hatü Tyre nanglakthü;

⁸hatü Assyria amao jom mü shepteke; jomphongü wong kohpü Lotei hapeüthü.

⁹Midian am kü nüngi dükshuohpükei, Sisera hatü Jabin am kü Kishon yungyenei nüngi dükshuohpükei jom kao dükeishuoh.

¹⁰Jom Endorlei mahkem, hatü mahmahngü kahdokei nyüp kei yaüshi nyuteke.

¹¹Oreb hatü Zeeb am kü dükshuohpükei, nüngi jomei mübüthü kü dükeishuoh; Zebah hatü Zalmunna am kü dükpükei nüngi jomei vanglem lembüthü peü neütüktuh.

¹²Mehenangkü jomi, “Jeni Kahvangei kahdok yahlangshah” shei eteke.

¹³Oh ngelei Kahvang, nüngi jom alüngleple kü bhihla kei, hatü vanglükshaw kü hahbhang kei leihütuh.

¹⁴Awi phaü hahtükpükei, kahshangthü kü awlom aongpükei,

¹⁵nüngei mangpü yinglükpalei-i jom kü changeishuoh, hatü nüngei vanglüki jom nyemhütuh.

¹⁶Oh SHEMBÜPA, jomi nüngei men yemhen mü jomei dhe veüpai mahütuh.

¹⁷Jom veühütuh, hatü mongmanghütuh; mongshangpai jom mahhütuh.

¹⁸SHEMBÜPAlei men monha kahdoknyü kü peü mü Jaipüba shei jomi nyinghütuh.