Read Phom Naga MENVIH KESHO 85 Bible Online

MENVIH KESHO 85 - Phom Naga bible

MENVIH KESHO 85

¹SHEMBÜPA, nüngi nüngei kahdok kü phahjiei deihteke; nüngi Jakob shao daeisheyei leihüteke.

²Nüngi nüngei nanglakthüi pungpü hatü jomei mang peü tükteke.

³Nüngi jom kü mongshih vampü dohdai, hatü nüng mongpuk vampü kübü shümei tuhlang.

⁴Ham müei leituh, Oh ham yemleipü Kahvang, hatü nüngi ham kü mongshihpü yaktükshih.

⁵Nüngi ham mü den kü mongshihhen je? Nüng mongshihpü denshem peü kü nyuhen je?

⁶Nüngei nanglakthüi nüngkü mongonghen mü nüngi ham jatongei neleihühen je?

⁷Nüngi bampü ham kü hushih, Oh SHEMBÜPA, hatü nüngei yemleipü ham kü yahshih.

⁸Kahvang SHEMBÜPAi mehe ephahen ngei ha bangshah; mehenangkü büpai laophülei nanglak kü mong kempai hinglemei büpa touei leppüthü kü chingmei shah ehen.

⁹Hingmei büpa kü nyempüthü shingvaishi büpalei yemleipü yopailei nyüke, shejüang büpalei müknyinshekhang jenei kahdokei nyuhen.

¹⁰Bampü hatü hinglempü nyi pongteihen, daülangshemshepü hatü chingmei nyi ju kü jüpteihen.

¹¹Hinglempü chongphi leipü vamei aonghen, daülangshemshepü shangphi leipü veiyei shanshihhen.

¹²SHEMBÜPAi mehe mei, ha shuohhen, hatü jenei kahdoki ha vethen betjük jükhühen.

¹³Daülangshemshepü büpa shekü daihen, hatü büpa daihen lem linghen.