Read Phom Naga MENVIH KESHO 90 Bible Online

MENVIH KESHO 90 - Phom Naga bible

MENVIH KESHO 90

¹SHEMBÜPA, nüngü denshem peü kü ham nyushing nyuhampeih;

²Kahshangthü lingshekü, nevaijü kahdoknyü bhaoshekü nüngü Nedohnetenpü kübü nedohnetenpü thahshi Kahvang nyuhampeih.

³Nüngi ham kahdok leihütü, “Hangku, kahdok leidaituh” shei enyüke.

⁴Nüng touei vangbong haja hükü nyih hük kei, hayü menyih peihdaipü kei nyüke, nevaijü yanüng peihdaipü kei nyüke.

⁵Nüngi hathü maoei deilangnyüke; hathüyü mangh kei nyüke. Hamü dhom mü phenha thaapü keiha,

⁶dhom mü longi meishi vamnyüke, shejao om mü kauei vandainyüke.

⁷Nüngei mongshih-i ham lühtükteke., nüngei mongpuki ham nyemhüteke.

⁸Hami pungpü nüng touei haüshi nyüke, hamei jopü mang nüngei müknyinshekhang vangngai touei ngaiteke.

⁹Mehenangkü hamei nyihthü peü mongshih phangkü nyuei peihdainyüke, youngpai hamei bongthü kemdainyüke.

¹⁰Hamei yangnyu-ü bong pejempüan mon; nevaijü wong kohjema büali mon nyüke; hayao shanghah hatü mongmang mon, nyihthü lomi lüdai, hatü ham lüdainyeih.

¹¹Nüng mongshihpü ngan üpai nyingnya? Nüng mongpuk vampai mehe koei peihen ha üpai nyingpa?

¹²Kenhingmonghapü mongdang danghen shingvaishi hamei nyih ithen nyuhshih.

¹³Lepei leikei, Oh SHEMBÜPA! Nüngei mongshih meshük lushi nyuhen? Nüngei chongphobü kü phahjishih.

¹⁴Nepnüng nüngi bampai ham hüshemhütuh, shejüang hamei nyihthü kemei hami mongonghen.

¹⁵Ham ponghahpü nyihthü shük, hatü ham shanghahpü bongthü shük nüngi ham kü mongong yahshih.

¹⁶Nüngei chongphobüthü kü nüngei douthü, hatü jomei hapeüthü kü nüngei dhemeilaüma hushih.

¹⁷SHEMBÜPA, hamei Kahvang phahji ham mü chongkei; ham shingvaishi hamei lakdou moihimanshih; Oh hamei lakdou dahüshih!