Read Phom Naga MENVIH KESHO 92 Bible Online

MENVIH KESHO 92 - Phom Naga bible

MENVIH KESHO 92

¹SHEMBÜPA kü menvih shuohhen meipeih, nüngei menvih kesho lokhen meipeih, Oh Jaipüba Kahvang.

²Dhom mü nüngi bampü baonghen, yanüng nüng monglemaokpü huhen;

³liping hatü harp vüngei, ünghinyah meipü lyre vünghen.

⁴Oh SHEMBÜPA, nüngi nüngei doui ngei mongonghü; nüngei lakdouthü kü ngei mongongei loknyeih.

⁵Nüngei lakdouthü meshük longpüang, Oh SHEMBÜPA! Nüngei mongdeih ahshi chüshi nyüke!

⁶Ngapa hüki ha nyingei neaok, yoipa hüki ha nedanaokpih.

⁷Mang shennyakthü phenha kei longei aongjao, jomü den kü mahdaihen,

⁸shejao Oh SHEMBÜPA, nüngü düngei Jeiyongpa.

⁹Mehenangkü nüngei vepathü mahdaihen, mang dükpüthü peü haidaihen, Oh SHEMBÜPA.

¹⁰Shejao nüngi ngelei vaung shaokvaung keiha koh-ei vamhü, nüngi ngei kü daülangpü mainga-i phuteke.

¹¹Ngelei müki vepathü dodaipü eeteke, ngelei dhaongi ngei küten dükpüthü mahpü dantepih.

¹²Daülangpüthü palm pü kei danyüke, hatü Lebanon leipü cedar püthü kei longnyüke.

¹³Jomü SHEMBÜPAlei shemei sheiteke, jomü jenei Kahvang nyushingei koh-ei longnyüke.

¹⁴Viüdaijao jom nedoh-i betjük jüknyüke; jom düngei thüngshingi hatü meishi nyuhen.

¹⁵Hapai SHEMBÜPAyü shahhing shei hunyüke, büpayü ngelei Yaongnyü; büpa kü nedaünelangpü meheyao neshiü.