Read Phom Naga MENVIH KESHO 94 Bible Online

MENVIH KESHO 94 - Phom Naga bible

MENVIH KESHO 94

¹Oh SHEMBÜPA, nüngü bhühyempü Kahvang, nüngü bhüh yempü Kahvang, nüngei müknyinshekhang nyahütuh.

²Paotuh, Oh kahdoknyü shahphenbü; changmeipü am kü jom kü shangpü yah-eishuoh!

³Oh SHEMBÜPA, nemeipü am meshük, meshükpa jom mongonghen?

⁴Jomi changmeipü shah enyüke; shennyaktenthüi changmeinyüke.

⁵Jomi nüngei nanglakthü ngümtüknyüke, Oh SHEMBÜPA, hatü nüngei mükjüp hanghihünyüke.

⁶Jomi vaümnyü hatü yenpathü jütüknyüke, jomi hashihhathü jünyüke,

⁷hatü jomi, “SHEMBÜPAi ne-eenyih; Jakob Kahvangi ha nenyingnyih” shei enyüke.

⁸Hangku khongkü sholi neshiüpüthü ha nyingtuh; am mechem kon koh-ei leihen Oh ngapathü.

⁹Dhaong lingpübai nedannyu je? Mük lingpübai ne-eenyu je?

¹⁰Jatthü kü lohpübai, hatü hangku kü kihikon nyuhpübai kon neshiüpü je?

¹¹SHEMBÜPAi jenei mongdeih nyingnyeih, jomü ngü keiha mahdaihen.

¹²Nüngi lohshuohpüthü mongong, Oh SHEMBÜPA, nüngi nüngei shahkung nyuhshuohpüthü mongong.

¹³Nemeipüthü shing kahsha mangsho thahshi nüngi büpa kü shanghah nyihthü kü nyiumei shuoh.

¹⁴Mehenangkü SHEMBÜPAi laophülei nanglak netuhphonghen; büpai laophülei mükjüp neyakphonghen.

¹⁵Mehenangkü daülangpüthü kü shahhing nyokei leihen, hatü mongdang kangshangpüthü ha pheikü mühen.

¹⁶Nemeipüthü khüei ngei khüambakei üpa yaonghen? Ten dükpüthü khüei ngeikü sheüh-ei üpa yaonghen?

¹⁷SHEMBÜPA paoh ngelei sheühbü nevailangmeyü, lomi ngelei laanghayü nenmü nyupü kahdokei nyudaihah shepeih.

¹⁸Mechem, “Ngei dodainyu khih” shei ngei deihpa, nüng bampai ngei kü shoungpeih, Oh SHEMBÜPA.

¹⁹Mechem ngelei mong kü mongshang longi nyupa, nüngei nyiushemmei homei ngelei laangha mongonghü.

²⁰Nemeipü vanglem lembüthü nüng mü mongjem pongaokhen je? Jomi shahshem shahkung lingnyüke.

²¹Jom chemi daülangpüthü khüei shah shownyüke, hatü mang neshiüpüthü jütüknyüke.

²²Shejao SHEMBÜPAyü ngelei penyüsha, hatü ngelei Kahvangü ngei loishing Yaongnyü.

²³Büpai jomei mang kü nyokei khanghen, hatü jomei mang nangkü jom thittükhen, SHEMBÜPA, jenei Kahvangi jom mahtükhen.