Read Phom Naga MENVIH KESHO 96 Bible Online

MENVIH KESHO 96 - Phom Naga bible

MENVIH KESHO 96

¹Oh SHEMBÜPA kü kesho ja hük lokeishuoh; kahdoknyü peüi SHEMBÜPA kü loktuh;

²SHEMBÜPA kü lokeishuoh, büpalei men moihimantuh; nyihjeih büpa yemleipü jung etuh.

³Jatthü kü büpalei müknyinshekhang jung baongeishuoh; nanglak peü kü büpalei yashanyalepü douthü nyinghütuh.

⁴Mehenangkü longpübayü SHEMBÜPA, hatü longi vihhen nyüke; kahvangthü peü shak kü büpa kü dhüm shuohtuh.

⁵Mehenangkü nanglakthülei kahvangthüyü lajeithü mon, shejao SHEMBÜPAi vangshothü lingpeih.

⁶Dhüm hatü müknyinshekhang büpa touei nyüke, wong hatü dhemeilaüma büpalei phopshemei nyüke.

⁷SHEMBÜPA kü vihtuh, kahdoknyü nanglakthü peü, müknyinshekhang hatü wong peü SHEMBÜPAlei shei vihtuh.

⁸SHEMBÜPAlei müknyinshekhang men vihtuh; moila kotü büpa khümshingei peikei.

⁹Büpa daülangpü nethe meipü kü SHEMBÜPA kü khümtuh; kahdoknyü peüi büpa touei kheütuh.

¹⁰Jatthü touei, “SHEMBÜPAyü Ongpa! kahdoknyü-ü wongshongi lingei nyüke; ha shing nechaihen. Büpai shahhingi jatthülei shahphenhen” shei etuh.

¹¹Vangshothü mongmeituh, kahdoknyü mongongtuh. Yungchingi ngüngtuh, hatü halei nyupüthü peü.

¹²Yinghilongi mongongtuh, hatü haleipü lemphüli. Shejüang yingmong püthüi mongongpai kesho lokhen;

¹³Büpa peikünyüke, büpai kahdoknyü shahphenhen peikünyüke shei jomi SHEMBÜPA kü lokhen. Büpa daülangshemshepai kahdoknyü hatü shahhingi nanglakthülei shahphenhen.