Read Phom Naga KANDOK 4 Bible Online

KANDOK 4 - Phom Naga bible

KANDOK 4

¹Ngelei hapeüthü, ampai nyuhpü kü bangtuh; hatü danaokpü kon danghen mong shuohtuh;

²Mehenangkü ngei nüng kü nyingpü meipü shuohnyüpeih; hanangkü ngei nyuhpü teyaktük.

³Mechem ngei opa mü hashih hük keiha maanshi, hatü onyü mü halom kei nyuhampa,

⁴büpai ngei kü, “Nüngei mong kempai ngelei shahthü jaotuh, ngelei shahkungthü noteituh, hatü nüng yemmü nyuhen” shei ephopeih.

⁵Kihikon hatü danaokpü kon yahhahtuh; nüngi hathü tebetük, hatü ha kübü teyan.

⁶Nüngi kihikon teyakphong, hatü pinnyüi nüng yangphahen; pinnyü kü bamtuh hatü pinnyüi nüng yomhen.

⁷Kihikonü peü mü longpüba; hanangkü hapa yahhahtuh, hatü nüngi dangpü lemphüli kü yao-aokpü kon yahtuh.

⁸Pinnyü kü longi lümtuh, hatü pinnyüi nüng longei anshihhen; pinnyü kü khaaituh, hatü pinnyüi nüng kü dhüm yahphahen.

⁹Pinnyüi nüngei shangjing kü meipü chüyük shihphahen; pinnyüi nüng kü meipü hon athen thenphahen.

¹⁰Bangtuh, ngelei hapeü, nüngei yangnyu vangbong longi nyuhen shingvaishi, ngei epü shahthü yahtuh.

¹¹Ngei nüng kü kihikon lem nyuhtepih; ngei nüng kangshangpü lemthü kü mütepih.

¹²Nüng kamshingkü lem kü tok nevaihen; nüng mokshingkü huluh neshuohpih.

¹³Nyuhpüvenpü kü shounglangtuh; nüngi ha tedeitük; ha meishi yomtuh; mehenangkü hapayü nüngei yangnyu hih.

¹⁴Nüngi nemeipüthülei lem kü la tejai, hatü ten dükpüthülei lem kü tekam.

¹⁵Ha kübü keüdaituh, ha lem kü tedai; haleipü nyokei lüdaituh.

¹⁶Douten mangdük thahshi jom neshiaoknyu; hanei am manglomohhü thahshi jom neshinyu.

¹⁷Mehenangkü jomi douten dükei hahhen dangnyüke; hatü iy-aongmashateipü yiü jomi yingnyüke.

¹⁸Shejao daülangpülei lemü nepnüng dhom vanghela helushoei nyapüba khangpükei nyüke.

¹⁹Nemeipüthülei lemü shangmang vangnyak monha, jom mepa kü huluh shuohnya, nenyingnyu.

²⁰Ngelei hapeü, ngei epü kü mong shuohtuh; ngelei shahthü kü dhaong shaangtuh.

²¹Hathü nüngei mük khangshing kübü tebientük; hathü nüngei mong kü jaotuh.

²²Üami hathü dang, jom shingvaishi hathüyü yangnyu, hatü büm kü meihüpü nyüke.

²³Peü mü nüngei mongdang yomtuh, mehenangkü hapayü yangnyu yunglok khih.

²⁴Shahnyong epü nüngei ju kübü tüktuh; nüngei ju kübü shahten epü dohtüktuh.

²⁵Nüngei mük laülüki shesha lemei veituh, hatü nüngei shesha lemei kangshangi chituh.

²⁶Nüngei la kü lem jiüshangi tuhtuh, hatü nüngei lemthü lekhingei nyukahen.

²⁷Nüngi laknyong lakdah kü teleplük; nüngei la mang lem kübü shuonglangtuh.