Read Phom Naga SOLOMONEI KESHO 8 Bible Online

SOLOMONEI KESHO 8 - Phom Naga bible

SOLOMONEI KESHO 8

¹Oh nüngü onyülei amma yingei longpü ojei vailangmeyü meihen khih! Ngei chingshongei nüng ponglangmao, om kü jüphen, hatü üpaiyao ngei kü ne-eelahen.

²Ngei nüng müei onyülei shemei leihah shepeih, hatü halei nüngi ngei kü bampü jung nyuhphahen. Ngei nüng kü pomegranat-i lingpü vong meipü yiü yingphahah shepeih.

³Büpalei laknyongi ngelei shangjing phangkü, hatü lakdah phi-i ngelei büm kü aeinyüke.

⁴Oh Jerusalem nelathü, ngei amphong kü eshah: Bamteiaungteihen hepak mangngoi shekü bamteihen mongkü tebongkei.

⁵Bampünyü kü khaaitü yingmong leipü aongküpü üpaang? Apple pü phangei ngei nüng kü phokpeih, halei anyüi nüng ko, hatü bühpeih.

⁶Nüngei mongei ngeiyü füoshang shingpükei, nüngei bhagchong kü füoshang shingpükei tuhtuh; Mehenangkü bampeyü dipükei wong kohshi, mükhüh mongyungao mahngchong keiha phahji neshiü. Hapayü bahpü aw keiha, wong kohpü awlom kei hahtüknyüke.

⁷Yung longi nyupai shei ji bamteipü yungle meihen neaok; yungnyü büngi ha paüei shanlangnüng neaok. Hanei-i laophüi angpü mopi bampü shaknüng yemjema, ne-ienelempü ponghen.

⁸Hamei naüpeü hük nyüpeih, hatü pinnyülei amma shao-üng manglong. Pinnyü kü doi phehen peiküjü hami mehe dükhenang?

⁹Pinnyü paoh bham vailangmeyü, hami pinnyü shangkü ngini shangdü lingshuohhen; Pinnyü paoh shaden vailangmeyü, cedar pü yah-ei sha lingshuohhen.

¹⁰Ngeiyü bham hih, hatü ngelei ammayü haleipü shangdü. Büpalei müksho kü ngeiyü chingmei kobü hük kei nyuhampeih.

¹¹Baal-Hamonlei Solomonei nyalingngupai kah hük nyuteke; Büpai hapa nyalingngupai kah yombüthü kü shuoh; Ngin haja hük baong koei peiyei shuohhen mü nyuteke.

¹²Shejao ngelei lompü nyalingngupai kah-ü ngei shing; Oh Solomon, nüngi haja haja yahhen aokpeih, hatü betjük yompüthü lop kho nyi yahhen.

¹³Oh pemongei nyupü nüng, ngelei küphüthüi nüngei ngeü banghüei dannyüke; ngeiyao ha bangshah.

¹⁴Vamkei, ngelei bahapa, vong meipü kahshangei nüng meishiy cheha kei nevaijü shaok cheha kei nyukei.