Read Phom Naga ISAIAH 25 Bible Online

ISAIAH 25 - Phom Naga bible

ISAIAH 25

¹Oh SHEMBÜPA, nüngü ngelei Kahvang; Ngei nüng shangei anshihhen, hatü nüngei men longhen; mehenangkü shongei temtükpü küpjanthü nüngi yashanshi dükteke.

²Mehenangkü nüngi chingnyüao nyüp yakshing leitük, penyü showtükpü chingnyüao bentük; Kung amei chingnyü-ü ching neshiüi leitük, hapa sheyü nelingaokhen.

³Hanangkü wong kohpü shennyakthüi nüng kü dhüm shuohhen, phai kü netüngpü jatthülei chingnyüthüi nüng kü nyemhen.

⁴Nüngü taopathülei loishing meipü, hatü nehahneyingpüthü shanghah shingkü nüng jomei loishing. Baihivang hatü nyahpüshampü kü nüngü loishing hatü dhüm nyuteke. Mechem nemeipüthüi ünyü hepak kübü vang keiha ching hahpa,

⁵bhih kahdok kü vanglük sham keiha ngeü anpa, nüngi vepathülei shamao nüngei phum vangdhümi dohtükpeih, nemeipüthülei keshoao nentükpeih.

⁶Hapa kahshangei Jeiyong SHEMBÜPAi nanglakthü peü shingvaishi hahying peü changshi, hatü meipü yiü omshi mo hük temhen.

⁷Hapa kahshangei büpai nanglakthü kü jümpü mongmang phumnyak yantükhen, hatü jatthü kü jümpü shangmang mahtükhen.

⁸Büpai dipü den shingvaishi lühtükhen. Hahepak kü SHEMBÜPA Kahvangi peüei mük kübümükphi thittükhen, hatü büpai kahdoknyü peü kübü laophülei nanglakthü lomohpü peü yahlanghen shei SHEMBÜPAi eteke.

⁹Hapa nyih kü jomi, “Hingmei büpayü jenei Kahvang, jeni büpa kü hinglem, hanangkü büpai jen yangteke. Büpayü jeni hinglempü SHEMBÜPA; jen mongongshah, hatü büpalei yemleipü kü jen mongmeishah” shei ehen.

¹⁰SHEMBÜPAlei lak hapa kahshangei haühen; shejao Moab amü kahcheü ngümshingei hahtang kü ngümpükei ngümtükhen.

¹¹Yung kü owpü shennyaki laki yüppü keiha, jomi jomei lak yüpteihen, shejao Kahvangi jom changmeipü maanei leitükhen, jomei lak sheütükhen.

¹²Büpai Moab amei chingnyü bham bentükhen, hatü büpai hathü benei kübhih kü kahdokei yaütükhen.