Read Phom Naga ISAIAH 59 Bible Online

ISAIAH 59 - Phom Naga bible

ISAIAH 59

¹Hingmei, am yanghen shingvaishi SHEMBÜPAlei lak shohloh-i neshiü, nevaijü danhen büpalei dhaong hüei neshiü.

²Shejao ammi phoppü büpai nedanhen mü ammei mangi am Kahvang toueipü yandaipeih, hatü am pungpü homei büpalei dhe am toueipü jodaipeih.

³Mehenangkü ammei lak kü iy khashi nyüke, ammei laki shaitüktü nyüke. Ammei jubenyeijaangi shahshem enyüke, hatü ammei jubenyeijaangi nemeipü dükhen nümnümnyüke.

⁴Üpaiyao shahhing koei nepeinyu; Üpaiyao shahhing kü shahphenhen neyemnyu. Jomi shahshem shah dakteipü kü monglemnyüke; nemeipü deihnyüke, hatü ten bühhünyüke.

⁵Jomphongi biü ati tinyüke, hatü maknyim haennyüke. Üami hapa ati hahhenshang dihen, hatü mechem hük bhaokhen, shao lebü biü hük sheinyüke.

⁶Jomei maknyimi ashakviha vaihen nemeihen, jomi linghahpai jomei büm kü nejümaokhen. Jomei dou-ü mang dou monha, hatü jomei laki iy-aongmako dou mon düknyüke.

⁷Jomei la nemeipü lemei moknyüke, hatü mang neshiüpü kü iy-aongmakohühen moknyüke; Jomei mongdeih kemei ten mon nyüke; Jomei lemü bentükhen hatü tentükhen kü mon dainyüke.

⁸Jomphongi chingmeivangmei lem nenyingnyu, jomei lem kü shahhing neshiü. Jomei lemü jomi kaokeinyomei lingtükteke, jom pheikü kampü üpaiyao chingmeivangmei nenyingnyu.

⁹Hanangkü shahhingü ham toueipü taishi lüdai, hatü daülangshemshepü ham nengoinyu. Hamü vangngai om dannyüke, shejao peülei vangnyak mon nyüke; Hami vangngai nyapü yemnyeih, shejao shangmang kü kamnyüke.

¹⁰Mükphüngpai keiha hami bhamba kü bomeipangteinyüke, mük neshiüpü shennyak keiha lakhila-i bomei lem yemnyüke. Shangmang kü keiha nyihnüngao huluh shuohnyüke, Wong kohpüthü touei hamü mahng kei nyunyüke.

¹¹Sheptao keiha ham peü shomteinyüke, athuba keiha mahng thepnyüke, Hamü shahhing om dannyüke, shejao nedangnyu, yemleipü yemnyüke, shejao hapayao ham toueipü taishi nyüke.

¹²Mehenangkü nüng touei hamei mang longi, hatü hamei mangi ham khüei denpü shuohnyüke. Hamei mangü ham mü nyüke, hatü hami hamei mang nyingnyüke.

¹³Mang thahpü, SHEMBÜPA nelahpü, Kahvang phei nemüi lüdaipü, shüveidoideihen, hatü dehenlaohen eteipü, shahshem ehen deihpü hatü mongdang leipü vamei epü hathü nyüpeih.

¹⁴Shahhing changtük, daülangshemshepü taidai; chingyangshongei shahhing-ang huluh shuohhünyüke, hatü jiüshangpü shühen shing neshiü.

¹⁵Shahhing taodai, hatü üami mang tuhtüknya, jom-ang lomohnyüke. SHEMBÜPAi veiteke, hatü shahhing ne-eepü nangkü mongmangteke.

¹⁶Ponghahpüthü kü khüambakhen üpayao neshiüpü eeyei büpa thamanyüke; Hanangkü büpai laophülei ngani jom yanghen hatü aokpü danghühen.

¹⁷Büpai daülangshemshepü jaküpnyiam keiha küpnyüke, hatü yemleipü nyiam athen thennyüke; Büpai bhüh yempü ow ownyüke, hatü büpa nyingi mongshihpü bhagthuh thuhnyüke.

¹⁸Jomei dou aimü büpai nyokei shuohhen; büpalei vepathü kü mongshih, hatü hanghi shuohhen, yungkung kahdokei nyupüthü kao hapa hanghi shuohhen.

¹⁹Heshü philei nyupüthüiyao büpalei men kü nyemhen, hatü heong philei nyupüthüi büpalei müknyinshekhangkü dhüm shuohhen; Mehenangkü büpayü yungchüm laipü keiha peikahen, hatü SHEMBÜPAlei ngü vanglük keiha peikahen.

²⁰Büpayü mang kübü mong lepei Israel kahdokei nyupüthü yanghen Zionlei yiükahen shei SHEMBÜPAi enyüke.

²¹SHEMBÜPAi, “Ngei shingvaishiyü, hapayü ngei jomphong mü vangteipü nyüpeih” shei enyüke. “Ngelei laangha mepa am kü nyu, hatü ngelei shah ammei ju kü shihpü ha ammei ju kübü nevaijü ammei hapeüthü nevaijü hapeüthülei ju kübü shaang mebü dohpü neshiüi neyandaipih” shei SHEMBÜPAi enyüke.