Read Phom Naga LEVI 12 Bible Online

LEVI 12 - Phom Naga bible

LEVI 12

¹SHEMBÜPAi Mosa kü,

²“Israel am kü ha etuh shei e: Nyüha hük büm nekongi leijema hatü yeshang hük bühjema, pinnyü hangha tenpü hepak kü kei nyih nyet nedaüpü leihen.

³Nyih shetpabü hapa yeshang shaw japtükhen,

⁴hatü pinnyü hangha tenpü daühen nyih hapüanpüjem nyuhen; pinnyüi daülangpü dou mepa kao nehonghen nevaijü ashakshemei pinnyü daühen hapa nyih mangpeih thahshi neshühen.

⁵Pinnyüi yiükha hük angjema, pinnyü hangha tenpü hepak kü kei hapta nyi hapa nyüha nedaüpü leihen. Hapheikü pinnyü hangha tenpü kübü daühen nyih pejempüvok nyuhen.”

⁶“Yeshang nevaijü yiükha bühtü mechem pinnyü daühen nyih ngoihenshang pinnyüi ngongpa kü ashakshem shadenei jakpü moila shuohhen vangbong hük lompü mi cheha hük, hatü mang moila shuohhen khakhi ouha nevaijü athuba hük yah-ei peihen.

⁷Pinnyü nedaüpü daühen shingvaishi büpai SHEMBÜPA tou kü hapa moilahen, hapheikü pinnyü iy yenpü kübü daüdaihen. Hapayü nyüha hüki yeshang nevaijü yiükha bühpü nangkü shuohpü shahkungnyü nyüke.

⁸Pinnyüi mi cheha neshuoh-aokjema, pinnyüi athuba nyi nevaijü khakhi ouha nyi, hükü jakpü moila shuohhen, hükpayü mang moila shuohhen koei peihen. Hapakei ngongpai pinnyü shing moila shuohhen, hatü pinnyü daüdaihen.”