Read Phom Naga LEVI 27 Bible Online

LEVI 27 - Phom Naga bible

LEVI 27

¹SHEMBÜPAi Mosa kü,

²“Israel am kü hapakei etuh” shei e: Shennyak hanei-i SHEMBÜPA kü büpa kü shangpü bhei shuoh-ei daühühen hayaoha vangjema,

³büpa bong kukha hatü pejem mong aa kübü shennyak shingvaishi ngin pinyipüan ittuh,

⁴hatü nyüha vaijema pinnyülei bhei hapüan ittuh.

⁵Hapa shennyakü vangbong nga hi kukha mong aa kübü vaijema, büpalei bhei ngin kukha ittuh, hatü nyüha vaijema ngin an ittuh.

⁶Lenyang hük kübü vangbong nga mong aa kübü shennyak vaijema, büpalei bhei ngin nga, hatü nyühalei bhei ngin jem ittuh.

⁷Vangbong pejem hatü ha dok kübü shennyak vaijema, büpalei bhei ngin anpünga hatü nyühalei bhei ngin an ittuh.

⁸Shennyak hanei-i vangtükpü bhei neshuoh-aokhen mü longi taojema, hapa shennyakü ngongpa touei müei peihen, hatü ngongpai hapa lahpü shennyaki shuohaokhen mü bhei ithen.

⁹SHEMBÜPA kü yemhimak hük moilahen shei lahjema, SHEMBÜPA kü shuohhen shei lahtükpü yemhayü daülangpü leidainyüke.

¹⁰Hapa vangpü shennyaki hapa yem shingvaishi lebü nemeipü kü meipü nevaijü meipü kü nemeipü shei nejeilehen, yem hük shingvaishi lebü jeilejema, yem nyiphen daülangpü leidainyüke hatü hayü SHEMBÜPAlei.

¹¹Büpai shuohhen shei vangpü yem nedaüpü vaijema, SHEMBÜPA tou kü hapayü moilahen neaok, hapa shennyaki ha yem ngongpa touei müei peihen.

¹²Ngongpai hapa nemeipü meipü heshap vaitü hapa shing bhei ithen hatü hapa itpü bhei dohpü vaihen.

¹³Shembüi hapa yem angei leihüjema, büpai hapa bhei kü shao phaihan nga kü hük ühen vongbong.

¹⁴Mechem shennyak hanei-i laophülei shem SHEMBÜPA kü lanei shuohhenshang, ngongpai hapa nemeipü hatü meipü heshap ittü hapalei bhei ithen. Mepa bhei ngongpai ithen, hapai dohpü vaihen.

¹⁵Shennyak hanei-i SHEMBÜPA kü laophülei shem shuohtükpheikü shao angei leihahhüjema, büpai hapa bhei kü shao phaihan nga kü hük ühen vongbong, hatü hapa shemü shao büpalei vaidaihen.

¹⁶Shennyak hanei-i büpalei kahdok hanei SHEMBÜPA kü lanei shuohjema, hapa kah kü sheili meshük sheiaokhen heshap ittü bhei ithen; hah dok hük kü ngin an heshap nyuhen.

¹⁷Büpai jubilee bong büpalei kahdok lanei shuohjema, ittükpü bhei aimü nyuhen.

¹⁸Shejao büpalei kah jubilee pheikü shuohhüjema, ngoikahen jubilee bong mangngoi thahshi bong meshük aoei nyu, hapa heshap ittü ngongpai bhei ithen, hatü hapa itpü bheiyü komdaihen.

¹⁹Shennyak hanei-i laophülei kah lanei shuohtükpheikü shao angei leihüjema, büpai hapalei bhei mü shao phaihan nga kü hük ühen vongbong, hatü hapa kah büpalei vaidaihen.

²⁰Büpai hapa kah angei nelei-i mih hanei kü yutükjema büpai hajük kü angei nelei-aokhen.

²¹Shejao mechem kah-ü jubilee bong kü lanei shuohhen, hayü SHEMBÜPA kü daülangpü phenei shuohtükpü kah vaihen; hapayü ngongpathülei kah vaidaihen.

²²Shennyak hanei-i laophülei mükjüp nevaijü büpai kah shakei SHEMBÜPA kü daühüjema,

²³ngongpai jubilee bong thahshi hapalei bhei ithen, hatü hapa shennyaki ha nyih-üng hapa lop shuohhen; hapa lopü SHEMBÜPAlei.

²⁴Jubilee bong kü büpai hapa kah shongei üpa leipü shakpa, büpa kü leishuohhen.

²⁵Bhei kemei ittükpü bhei vanglem kü jiüshi ithen.

²⁶Üpaiyao shongei shaanpü yemhimak mohoh vaijao, mi vaijao hayaoha moila vaishi neshuohhen; mehenangkü shongei shaanpü yemhimak kemei SHEMBÜPAlei; hayü SHEMBÜPAlei hean nyüke.

²⁷Shejao shongei shaanpü nedaüpü yemü ittü nyupü bhei heshap, ha kü hapalei bhei kü phaihan nga kü hük ütü angei leihen aok. Büpai ha angei neleijema, hapayü itpü bhei aimü yutükhen aok.

²⁸Shennyak vaijao, yemhimak nevaijü kahdok vaijao mepa SHEMBÜPA kü lanei shuohtük, hapa üpaiyao yutükhen nevaijü angei leihen neaok. SHEMBÜPA kü denshing lanei shuohtükpeyü daülangpü nyüke.

²⁹Jühen shingvaishi lanei shuohtükpü shennyak üpaiyao angei leihen neaok; büpayü jütükhen vongbong.

³⁰Kahdok kü vampü laophülei hahying vaijao betjükvungjük vaijao hapalei ankhong hean peü SHEMBÜPAlei.

³¹Shennyak hanei-i laophülei ankhong hean kübü angei leihahhüjema, büpai hapalei bhei mü hapalei phaihan kü phaihan nga hantü phaihan hük bhütü shuohhen vongbong.

³²Haümyem shaanpü ankhongü SHEMBÜPAlei.

³³Büpai nemeipü khong kübü meipü nejehen nevaijü nejeilehen. Büpai jeilejema, hapa yem hatü ha kü jeipü nyiphen daülangpü leidainyüke, hatü angei leihen neaok.

³⁴Hathü shahkungnyüthüyü SHEMBÜPAi Israel nanglakthü shingvaishi Mosa homei Sinai Kahshangei shuohpü nyüke.