Read Phom Naga JEREMIAH 20 Bible Online

JEREMIAH 20 - Phom Naga bible

JEREMIAH 20

¹Mechem SHEMBÜPAlei phopshemei nyupü lakchongbü longpü, Immerlei cheha Pashhur ngongpai hathü shah Jeremiah-i teteivanei enyükeja shei danpa,

²büpai Jeremiah kü üptü phopshemei Benjamin Shaden dokpalei nyiamvüi shatü tuh.

³Nyihphei mechem Pashhuri Jeremiah veshuohpa, Jeremiah-i büpa kü, “Nüng shingvaishi SHEMBÜPAlei menü, Pashhur nevai, shejao Magor-Missabib shei menteke” shei e.

⁴Mehenangkü SHEMBÜPAi hapakei enyüke: “Ngei nüng hatü nüngei küphüthü peü nyemhühen; nüngei müki eeshi jom vepalei yani mahhen. Ngei Judah am peü Babylon ongpalei lak kü shuohhen; büpai jom wüpküpei müei daihen, hatü yani jom jükemhen.

⁵Ngei hapa chingnyü leipü mop, halei vampü douthü, haleipü douvang peü hatü Judah ongthülei dounyünangba kemei vepathü kü shuohtükhen. Jomi hapayü vehok hepak kü aetpü dou kei yah-ei Babylonei koei leidaihen,

⁶hatü nüng, Pashhur, hatü nüngei shemei nyupüthü peü Babylon wüpküpei daihen. Halei nüng hatü nüngi shahshemi teteivanei eshuohpü nüngei küphüthü peü diyei mahng vütükhen.”

⁷Oh SHEMBÜPA, nüngi ngei kü lueilemteke, hatü ngeiyü lueilemtükteke. Ngei meyü nüng-üng wong kohpüba, hatü nüngi ngei kü neüteke. Helushoei ngeiyü mihnyi pü leidaiteke, peüi ngei kü yaünyüke.

⁸Mechem ngei shah ehen “Dehilao!” “Jüteishangtei!” shei mon ehen mü vamnyüke. Hanangkü helushoei SHEMBÜPAlei shah-i ngei kü yaüpülungpü, hatü naamshah mon koei peikünyüke.

⁹“Büpa jung ne-etei-ü, nevaijü büpalei men hajük kü ne-etei-ü shei ejao, ngelei mongdang mongei büpalei shah-ü aw kei, hatü ngelei vangni mongei aw bahpükei shaamnyüke. Ngei hapa noshi nyiudaiteke, hingmei ngei neaoknyu.

¹⁰‘Nyemhihan peü lemei nyüke! Büpa kü eshuohshah! Jeni büpa kü eshuohshah’ shei nümnümpü ngei dannyüke.” Ngelei mongkhen küphüthü peüi ngei huluh nyemshuohja shei dannyüke. “Üpai nyingpa, büpa kü lueilemhen aokpeih, hatü jeni büpa kü neütü bhüh yemhen aokpeih” shei enyüke.

¹¹Shejao SHEMBÜPAyü ngei mü wong kohpü hampa kei nyüpeih; hanangkü ngei kü shüveipüthü huluh shuohhen hatü aokpü nedanghen. Jomi neaokhen hatü hingmei veü ponghen. Jomei veü mechemao nebehen.

¹²Oh Jeiyong SHEMBÜPA, nüngi daülangpüthü kü doknyeih, hatü mongdang sholi dokei veinyüpeih. Nüngi jom kü bhüh yempü kü ngei veishah; mehenangkü ngelei nang nüng kü shuohtüktih.

¹³SHEMBÜPA kü lokeishuoh; SHEMBÜPAlei men vihtuh. Büpai nemeipüthülei lak kübü taopathü yangnyüpeih.

¹⁴Ngei bühpü nyih-ü thaüvaü hettuh! Onyüi ngei pohpü nyih-ü moihiman tevaihü!

¹⁵“Nüng kü hapeü yeshang hük büh-ei nyüke!” shei opa touei shahjang koei peiyei büpa mongonghüpü shennyak kao thaüvaü hettuh!

¹⁶Hapa shennyakü SHEMBÜPAi nephahji-i noei yaktükpü ching kei nyuhütuh; Büpai dhom mü vaüpü eepü, hatü haümhah phei kü thep nyükpü danhütuh.

¹⁷Mehenangkü büpai ngei onyülei vom mongei nejütük; hei nevailangmeyü onyü-ü ngelei mahngchong vaihen, hatü pinnyülei vom poukhah shepeih.

¹⁸Shanghah hatü mongmang mon eeyei ngelei nyihthü peihhühen mü mehekei ngei onyülei vom mongeipü vampa?