Read Phom Naga JEREMIAH 23 Bible Online

JEREMIAH 23 - Phom Naga bible

JEREMIAH 23

¹Ngelei mithü het hahshing leipü mahtükpü hatü haitükpü mi yombüthü onyükei! shei SHEMBÜPAi enyüke.

²Hanangkü SHEMBÜPA, Israel Kahvangi ngelei nanglak mi yombüthü kü hapakei enyüke: “Mehenangkü ammi ngelei mithü kü nejungnelangi haitük, hatü changtükpü nangkü, ammi dükpü douten tata kü ngei am kü hanghi shuohhen shei SHEMBÜPAi enyüke.

³Ngei haitükpü ngelei mithü kahmük peü leipü ngei thaihen, hatü kahdok yemei müei leihen; halei jomi hapeüthü longi angei nanglak dahen.

⁴Ngei jom haümhen mi yombüthü tuhhen, hatü jom hajük kü nenyemhen nevaijü nehanhen, nevaijü nemahnechahhen” shei SHEMBÜPAi enyüke.

⁵Ngei David kü kon kohshi vanglem lemhen, hatü kahdok kü mehe shahhing, hatü jiüpü nyüpa, ha dükhen daülangpü Pükao hük vamhühen nyihthü ngoikünyüke, shei SHEMBÜPAi enyüke.

⁶Büpalei nyihthü kü Judah yanghen, hatü Israel am nyiushemmei kü nyuhen. Büpa kü, “SHEMBÜPAyü jenei daülangpüba” shei nyükhen.

⁷Nanglakthüi hajük kü Ijip kahdok leipü Israel am müei leipü vanyangyem Kahvang men kü nelahhen,

⁸shejao Israel hapeüthü apsha kahdok hatü büpai haitükpü kahdokthü leipü Israel am müei leipü vanyangyem Kahvang shei lahhen nyihthü ngoikünyüke shei SHEMBÜPAi enyüke. Hapheikü jomi jomei kahdokei nyuhen.

⁹Thibüthü nang epü: Ngelei mongei mongdang mangdaiteke, ngelei vang peü kheünyüke; Mehenangkü SHEMBÜPA hatü büpalei daülangpü shahthü homei ngeiyü yiüi manpü, hatü yiüi chokpü shennyak kei leidaiteke.

¹⁰Kahdokü mükbongjuyungpüthüi maei nyüke; thaüvaüpü nangkü kahdoki mahng thepnyüke, hatü jahpan kübü phenha vandaiteke. Thibüthülei lem nemei, hatü jomei wong nejiüi nonyüke.

¹¹“Thibü hatü ngongpa nyiphen Kahvang nenying; Ngelei shemei dangkao ngei mang eenyüke” shei SHEMBÜPAi enyüke.

¹²Hanangkü jomei lemü vangnyak lemnyü kei nyuhen, hapa kü jom changei deiyei dohühen. Jom shanghahpü bong kü ngei jom kü vongshüh koei peihen shei SHEMBÜPAi enyüke.

¹³Samaria am thibüthü khongkü ngei hapa jiühitbenüng dou eepeih: Jomi Baal kahvangei men kü teteivannyüke, hatü ngelei nanglak Israel am lemnyongei münyüke.

¹⁴Shejao Jerusalem am thibüthü khongkü nyeinya nemeipü dou ngei eepeih. Jomi mükbongjuyung düknyüke, hatü shahshem kü kamnyüke; Jomi douten dükpüthülei lak wong kohhünyüke; hapai üpayao mang kübü nyokei neleinyu. Ngei touei jom peü Sodom am keiha, hatü Jerusalemü Gomorrah kei nyüke.

¹⁵Hanangkü thibüthü nangkü Jeiyong SHEMBÜPAi hapakei enyüke: “Ngei jom kü shahyakpü hahying ühhen, hatü dihen leü kohpü yung yingshuohhen; Mehenangkü Jerusalem leipü thibüthü homei Kahvang nenyingpü douthü kahdok kü vamhüteke.”

¹⁶Jeiyong SHEMBÜPAi hapakei enyüke: “Ammi thibüthüi teteivanei epü kü tebang; jomi am kü angsha monglem shah-i mahünyüke. Jomi jomei sholi kü peipü manghkhang enyüke; SHEMBÜPAleipü epü nevai.”

¹⁷Ngei yakphongpüthü kü jomi düngei, “Am mü chingmei nyuhen” shei enyüke, hatü mongdang vaanpüthü peü kü, “Mepa shanghah-ao nepeiküpih” shei enyüke.

¹⁸Shejao jomi hapa eehen hatü danhen mü Kahvang thaihiyu kü üpa ompa? Üpai büpalei shah bangei danpa?

¹⁹Veituh, mongshihpai SHEMBÜPAlei Yinglükleisho vamkahen, hatü nemeipüthülei shangjing kü alüngleple vamhühen.

²⁰Büpalei mongei tempü peü mangjiü thahshi SHEMBÜPAlei mongshih nyokei neyahlanghen. Ngoikahen nyihthü kü nüngi ha lekei nyinghen.

²¹Ngei hathü thibüthü neshomshomi jomi laophülei shahjang kotü longteinyüke; Ngei jom kü ne-epü kü jom teteivanei enyüke.

²²Shejao jom paoh ngelei thaihiyu kü omlangmeyü jomi nanglakthü kü ngelei shah ehen, hatü jomei nemeipü lem hatü douten kübü lepei leihah shepeih.

²³Ngeiyü yopailei mon nyupü Kahvang je? Tailuei nyupü Kahvang nevaipü je? shei SHEMBÜPAi enyüke.

²⁴Ngei ne-eeaokhen mü hanei joaokhen je? shei SHEMBÜPAi enyüke. Ngei vangsho hatü kahdoknyü maei nenyupü je? shei SHEMBÜPAi enyüke.

²⁵Ngelei men kü shahshem teteivanpü thibüthüi epü shah ngei dantepih. Jomi, “Ngei mangh hük manghpeih! Ngei mangh hük manghpeih!” shei enyüke.

²⁶Jomei sholi kü lejapü eyei meshük lushi hapa thibüthü nyuhenang?

²⁷Chebü chepai Baal kahvang kü khümei ngei betükpükei jom hüki hük mü eteipü mang homei ngelei nanglakthüi ngelei men betükhen shei deihnyüke.

²⁸Mangh manghpü thibüthüi mangh etuh, shejao üpa kü ngelei shah nyu, hingshangi ha etuh. Hah mü hahtang melei shetteiaokhen? shei SHEMBÜPAi enyüke.

²⁹Ngelei shah-ü aw nevaijü yaong khih mü nihtükpü kaoklak neleang je? shei SHEMBÜPAi enyüke.

³⁰Hanangkü ngelei shah hük leipü hüki güh-ei eteipü thibüthü kü ngei khünyüpeih shei SHEMBÜPAi enyüke.

³¹“Hih” thibüthüi laophülei yeijaang aülaüei etü, “SHEMBÜPAi hapakei enyüke” shei eteipüthü kü ngei khüei nyüpeih shei SHEMBÜPAi enyüke.

³²Shahshem mangh tetei eteipüthü kü ngei khünyüpeih shei SHEMBÜPAi enyüke. Jomi ngelei nanglakthü kü shahshem eyei lemnyongei mülangnyüke, shejao ngei jom neshom nevaijü neje. Jomi maaniyao nanglakthü nanglei nedanghünyu shei SHEMBÜPAi enyüke.

³³Mechem hathü nanglakthü nevaijü thibüi nevaijü ngongpa hüki, “SHEMBÜPAlei shahjang mehe khih?” shei phehüjü nüngi hathü kü, “Amphongü hanggovih khih, hatü ngei amphong yakphonghen” shei SHEMBÜPAi enyüke shei etuh.

³⁴Thibü hük nevaijü ngongpa hük nevaijü shennyak hanei, “Hapayü SHEMBÜPAlei shah” shei ejema, ngei hapa shennyak hatü jom shem kü hanghi shuohhen.

³⁵Amphongi nedoh-i laophülei küphü nevaijü shem am kü, “SHEMBÜPAi mehe jangpa?” nevaijü “SHEMBÜPAi mehe epa?” shei phenyüke.

³⁶Shejao amphongi, “SHEMBÜPAlei shah” shei ju kü vamei te-etei; mehenangkü laophü laophülei shah-i hanggovih leidaiteke; hapa keiha vanyangyem Kahvang, Jeiyong SHEMBÜPA, jenei Kahvangei shah nyongnyongdah-i leitüknyüke.

³⁷“SHEMBÜPAi nüng kü mehe jangpa?” nevaijü “SHEMBÜPAi mehe ephopa?” shei amphongi thibü kü pheyei nyunyüke.

³⁸“Hapayü SHEMBÜPAlei shah” shei amphongi elangmao, SHEMBÜPAi hapakei enyüke: “Hapayü SHEMBÜPAlei shah” shei amphongi te-etei shei ngei am kü ejao, amphongi hapa shah noteinyüke.

³⁹Hanangkü hingmei ngei toueipü am hatü ambü ampa kü shuohpü chingnyü omei betükhen hatü yaktükhen.

⁴⁰Mechemao nebehen nedohnetenpü mongmang, hatü veüpong ngei am touei koei peihen.