Read Phom Naga JEREMIAH 45 Bible Online

JEREMIAH 45 - Phom Naga bible

JEREMIAH 45

¹Josiahlei cheha Jehoiakimi Judah kü ong vaipü bong alipabü kü Jeremiah-i eshuohpü shah Barukh-i nyangphei kü Jeremiah thibüi Neriahlei cheha Barukh kü ha eteke:

²“Barukh, nüng kü SHEMBÜPA, Israel Kahvangi hapakei enyüke:

³Nüngi, ‘Ngeiyü onyükei! SHEMBÜPAi ngei tüngpü kü shao mongmang yahphüteke; ngei mahng thepai dihen khih, hatü mong nyiushemmei neshiü’ shei eteke.”

⁴“Büpa kü ha etuh” shei SHEMBÜPAi eteke: SHEMBÜPAi hapakei enyüke: “Ngei mehe vetepa, ha bentükhen; ngei mehe shei, ha bhitükhen; hapayü kahmük peü.

⁵Ammi laophü shing dou longpü yemnyu je? Hathü teyem. Mehenangkü ngei nanglakthü peü kü shanghah koei peihen shei SHEMBÜPAi enyüke, shejao nüng melei daihenshang ngei nüng kü yanglem yemei yanghühen.”