Read Phom Naga YOUNG LAI 5 Bible Online

YOUNG LAI 5 - Phom Naga bible

YOUNG LAI 5

¹Oh SHEMBÜPA, ham mehe ponghahpa, ha deih-ei dangtuh; Ham kü veishih hatü ham lomohpü eelangshih.

²Hamei mükjüp mihthüng angpai yahlang, hamei bükhishem kü yenpa uodai.

³Hamü pa neshiüpü hashihha kei leidaiteke, hamei nyüthüyü vaümnyüthü leidaiteke.

⁴Hami yingpü yung kü lop shuohhen mü, hami jakpü pü shakhen mü hetteke.

⁵Yemhimak kei hamei bhagchong kü pang paitü nyiujao nyiumei neshiü.

⁶Shümoh meihen nangkü mon Ijip, Hatü Assyria amei lakmongei shüdai.

⁷Hamei bühipai mang thah, shejao shaang jom neshiü, hatü shaang hami jomei mang lat ponghahnyeih.

⁸Aathüi ham shak kü vanglem lemnyüke, hatü jomei lak kübü yangphahen üpayao neshiü.

⁹Kahmük kü phunghiyan mon noteipü nangkü, hamei yangnyu yuei mon hahying dangnyüpeih.

¹⁰Ahshi mangshi aeipü nangkü hangshuwao dükshong kei nyakdaiteke.

¹¹Zion kü nyühathü yepei yahnyüke, hatü Judah kü shüei yahlangkemnyüke.

¹²Hamei longhiongthü kemei bakla kü bheantükkemnyüke; pahijeithü kü dhüm neshuohnyu.

¹³Nethethü aa keiha kol kü hah ngümnyüke, hashihthü pügo-i chettü kamteinyüke.

¹⁴Viüpathü chingnyü penyüsha kübü lüdaiteke, nethethüi kesho nyahhai neloki dohdaiteke.

¹⁵Hamei mong kübü mongong mahdai, ham phaukteipeyü mahng theppü leidai.

¹⁶Hamei shangjing leipü hon athen vüdai, Onyükei, hami mang thahteke.

¹⁷Hanangkü hamei mongkü tüngnyüke, hatü hamei mük pumdaiteke.

¹⁸Zion Kahshang lavüngtoiyei leidaipü nangkü mahuthü vaüei longteinyüke.

¹⁹Shejao SHEMBÜPA, nüngü düngei vanglem lemhen, nüngei ong uoshing hüdenhalenshi nyukahen.

²⁰Mehekei nüngi chemjalak kü ham betükpa? Mehekei nüngi nyih luangi ham yakphongpa?

²¹Oh SHEMBÜPA! Ham nüng touei müei leihahtuh, sheleipü hamei müknyinshekhang nyokei yahshih.

²²Nüngi chemjalak kü ham yaktükei neshiü, hatü ham kü mongshih-ei neshiü.