Read Phom Naga EZEKIEL 19 Bible Online

EZEKIEL 19 - Phom Naga bible

EZEKIEL 19

¹Nüngi Israel amei ongthü nangkü hapa young kesho loktuh,

²hatü eyeishuoh: Mailangthü chi kü anyü-ü mailang chenyü kei nyuhampeih. Pinnyüi mailang chebaongthü chi kü pinnyülei cheha haümei longpeih.

³Pinnyüi chehathü khongkü hük haümei longpeih, hatü büpa wong koh-ei leipeih. Büpai yemhimak shükei hahhen manpeih, hatü hangku shükei hahpeih.

⁴Jatthüi ha danei büpa jomei tai kü manlang. Jomi büpa kü nyiamphaak maahütü Ijiplei müei dei.

⁵Mechem pinnyüi monglemei danpü nejiüang shei nyingpa, pinnyülei lebü cheha hük yah-ei longi mangpü mailang hük vaishi laongteke.

⁶Mechem büpa longpa, büpai lebü mailangthü mü het yemei longtei, hatü büpai yemhimak shükei hahhen nying, hatü büpai shennyak jüei hah.

⁷Büpai jomei veyom shing bentük, hatü jomei jilathü lavüngtoiyei leitük; büpa ngüngpai kahdok kü nyupüthü peü nyemhü.

⁸Hahepak kü ngeihpü shonpü jatthü peü büpa khüei thai. Jomphongi büpa kü tai haenteke, hatü büpa chei kü manteke.

⁹Nyiamphaaki mantü jomi büpa nyiamdulei shüei shütü Babylon ong touei müei dei. Jomi büpa khoklatei küpphong, hanangkü hajük kü büpa ngüngpü Israel kahshangthülei nedani leidai.

¹⁰Anyü-ü nyalingngupai kahlei yung yopailei sheipü nyalingngupai kei nyupeih. Yung changshi nyupü nangkü betjük jükei kaohilak longi vamei nyupeih.

¹¹Hapalei pükaothü wong kohshi, ongpalei lenshuoh vaihen mü meishi nyuhampeih. Hapayü vangsho yepmei shaoshi peüi hapa shaopü hatü kaohilak ngetpü kü veihampeih.

¹²Shejao mongshih-ei hapa bhiyei kahdokei yaktükpeih. Heong vanglüki hapa kü jentü betjük kemei kaongtük; hapalei pükaothü kaudai hatü awi hahtük.

¹³Shaang hapayü bhih kahdok yung neshiüpü kahvan kü sheiphong.

¹⁴Hapalei pübümnyü kü aw bah-ei pükao hatü betjük kemei hahtük. Hanangkü hapa kü wong kohpü pübümnyü neshiü ongpalei lenshuoh vaihen nemei-i leidai. Hapayü young kesho hatü hapayü düngei nohampeih.